شاكر لك طرحك اخوي مصطي. لكن برائي ان العمليه اكبر من مقاطعه. العمليه تحتاج توعيه للسائح. واسمح لي اوضح بالاتي :
أسعار المارينا ليست مقابل السكن. بل مقابل مايوفرنه من تحمل عقليات بعض السواح. بيني وبينك فيه عينات تسافر للمغرب ودك تمسحها مسح. ولو اخذت لفه في اماكن تجمع ربعنا راح تحوم كبدك.
طبعا الموضوع هنا مش تعميم ومهوب كل من يسكن فالاماكن هذي راعي ازعاج ورجه. لكن نقطه زيت تلوث كاس ماء.
صدقني فاغادير احاول ابعد قد ماقدر عن الاماكن ذي. سكنت فاسلان الحي المحمدي وبعدت اكتر للسلام والداخله والارائك.
اكثر من مره اشوف عينات من ربعنا مخجله. ازعاج طول اليوم. وقله احترام. وتسكيت للجميع بفلوس.
يعني لو حطينا بديل اخر اسلان كمثال راح تلقى ان الاستغلال ينتقل مع انتقال العقليات ذي. عساسين اسلان اول مايرفع عينه عليك ويرضى باللي تعطيه. بعد ماصار عليها اقبال صارت مثل المارينا. بالاستغلال سواء باسعار الشقق او من العساسين. صدقني شقق كنت اخذها بخمسميه درهم. يكرونها للي مايعرف بالف وخمسميه يعني التربل.
باختصار المشكله مش بالديره او ناسها او عدم تواجد البديل. المشكله بواحد او اثنين يجوون ويمسحون سمعه بلد بحماقتهم.
والدليل شف مغرب زمان واحترام السائح الخليجي فيه. لان اغلب رواد المغرب سابقا كانوا رواد باخلاقهم واحترامهم لعادات بلد لايفرق بقوانينه وعاداته عن دول الخليج. وشف كيف يتغير المغرب سفره بعد سفره خصوصا بالمدن الكبيره.
باختصار العمليه تحتاج توعيه ونشر ثقافه وتغير لصوره الحريه الخاطئه الموجوده لدى شريحه من سواح الخليج.