طبعاً كل واحد جالس مع نفس والهدوء والصمت يعم المكان ومحد رايق لأحد

وبعد فتره من الزمن ( أبو هيف ) قال بصوت عالي : ياشباب يالله احنا جايين ننبسط خلونا نطلع

المهم طلعنا لقيليز وتعشينا في مطعم ماكدونالدز ولما انتهينا من الاكل نزلنا للكوفي الي في وسط قيليز وجلسنا نشرب من الاتاي ومعاها زقاره ،،، طبعاً الزقاره تراها ( ملبورو ابيض لاتفهمون غلط ) ههههههههه

المهم بدأنا نفك الضيقه وبدأنا نضحك ونسولف ونتشاور بالموضوع المهم طلعنا ورجعنا للأوتيل ولبست وتفاجئت بانو بعض الشباب للحين متضايقين ومايبون يسهرون

المهم اقنعنا بعضنا وطلعنا سهرنا ولكن هناك شخص مفقود الي هو { الليدر } كان تعبان ( انفلونزا )

المهم طلعنا للديوان ( يعجبني بالديوان الجو لكن الاشخاص مع احترامي راح تلاحظ ملحجه كثير ، بالعربي شباب سوريا خربوها )

المهم سهرنا وانبسطنا وضحك وفرفشه وبعدها رجعنا واحلا نوووومة

وانتهى اول يوم بمراكش وللأسف كان يوم سيء بسبب احداث السكن والخساره

اليوم الثاني صحينا وافطرنا وطلعنا نتمشى برجولنا وطلعنا لساحة الفناء : ( طبعاً اكبر غلطة وماحسبنا حسابها كنا لابسين لبس حلو يعني بالعربي كاشخين وبدأت المضايقات من دخلنا لين ماطلعنا طبعاً اصحاب الافاعي ماخلونا بحالنا هههههههه

وانا امشي فجأه تذكرت انو فيه رقم شخص اعرفه بمراكش وكان التصال كالتالي :

انا : السلام عليكم اخي محمد .
محمد : مرحبا بيك وعليكم السلام ، اهلاً اهلاً اخي مشاري كيداير خويا ؟
انا: لابأس الحمدلله انتا كيفك حبيبي كيف الأهل ؟
محمد : الحمدلله كلنا بخير ، وينك مشاري لايكون جيت وماقلتلي ؟
انا : والله ياخويا محمد انا طحت في مشكله ولازم اقابلك
محمد : اوكي تعال الساعه ٥ والنصف في مكتبي بقيليز
انا : ان شاءالله ساكون هناك بالموعد المحدد
محمد : انا بإنتظارك خويا . مع السلامه



وانتظرنا الوقت وطلعنا لقيليز وجلست مع محمد
وقلتله مشكلتنا بالسكن وقال لاتخاف خويا انا راح شوف لك ،

طبعاً في وقتها لو يقول اي سعر راح اخذه لانو كان القروب كله زعلان ومتضايق

وحصّلنا ڤيلا اربع غرف بمنتجع بالميري ڤيلاج

واخذناها تقريبا بـحدود الـ( 30,000 ) ريال

سعر مبالغ فيه جدا ولكن لما الشخص ينحد ومايلقا اي مكان وحصل مكان عليه الطلب كثير راح يدفع عشان راحته

وتم الدفع واتفقنا بكرا نطلع للڤيلا ورجعنا للفندق والابتسامه العريضه






يتبع ،،،،


تم الإرسال بواسطة iPhone بإستخدام مزاعيط المغرب

__________________
اشتقت للمغــرب وانــا تونــي جــاي ==== الله يصبرني علـى نار شوقي

ياللي تريد ادواي في المغرب ادواي ==== رح بـي لعله ينطلق فيه عوقي

لـي صـافحت مجـهـول يمنـاه يمـناي ==== ينساق تيار الهوى في عروقي

و اسمــع حـديثه نـاعــم كــنه النــاي ==== علـى يمينه ينتثر الدمع مــوقي

و مع الشـكـر واقـول له انت مـولاي ==== احكـم و دبرني على ما يروقي

فـي سيرة الأشــواق ممشاي ممشاي ==== و في خاتمتنا ما نراهـا يعـوقي