البارحه ما بين همي والاوراق . . . . . جر القلم طاروق حزن(ن) يسليه
واسترسلت ابيات شعري من اعماق . . . . . الموقف اللي مر وازريت اعديه
موعد لقا مبني على نيه افراق . . . . . كان الاخير وضيق الصدر طاريه
وماهي غريبه لو بقول الصدر ضاق . . . . . لاكن الاغرب كيف بودعه فيه
كانت دموعه تختنق بين الاحداق . . . . . ونظرات عيني تقتله ثم تحييه
كني جلست اعلمه كيف يشتاق . . . . . وكنه يعلم شعري شلون يرثيه
شح الزمن بموادعه والمسا ساق . . . . . حزن القصايد والعتب والمشاريه
ياليل والله ماورى ليلك اشراق . . . . . النور عانه يسحبه في خطاويه
عشاق قلي ليش او ويش عشاق . . . . . الا ضحايه وقت مدري شسميه
يقطع سنين العشق يا درب الاشواق . . . . . ياليت بيدي شي واقدر اسويه
صح الله لسان الشاعر محمد جار الله
__________________
The idea had been growing in my brain for some time. True force. All the king's men cannot put it back together again.