مازلت بثاني يوم , جالس بروتانا كافيي على وقت الغروب , واغاني خليجية رايقة, واحتسي واتشراف الاتاي المغربي لبى قلبه .. كملتت ثلاث ساعات وكل شوي ابي اقوم بس يجي من يجلسني .gif "Maroc (1033)")
اول مرة اشوف نففسي بهذا الكرم الحاتمي وانا ارحب بكل ضيف جديد.. بعد كم ساعة قررت اغير المكان , طلعت وصرت اتمشى على الكورنيش , شفت الناس اشكال والوان , منهم الفقير والمعدم ومع هذا يبيع الورد , يبيع السعادة للاغنياء , بصراحة ضايقتني الطبقية واللي اغلب الددول العربية تعاني منها , وشفت عوائل مغربية باطفالهم ولباسهم الجميل وخصوصاً الثوب بالقبع , كان ودي اشتري واحد ..المشكلة مطبوع على وجهي خليجي , استمريت بالمشي , ورحت كملت مشي , كنت مستمتع جداً بمنظر البحر , مع ان في استراليا مناظر اجمل ,
بس ماعرف ليش حسيت بانه هذا الجمال على الاقل يخصنا احنا العرب !!
رجعت مرة اخرى للشقة,اخذت حمام وبدلت ولبست ملابس كشخة واتعطر واطلع للسكاي مرة ثانية ..
,
..
جلست هناك دار بيننا احاديث سريعة ثم اشتغلت (كازا ياخوي ماغابت عن البال..) وانا وقتها مالقيت نفسي الا وسط الستيج اهز واغني معه ..اعشق هذي الاغنية
طبعاً كالعادة طلباتي غير متوازنه ..وواضح اني عليمي ماعرف شي ..
اجرب من كل بستان زهرة ومن كل عصير رشفة ..
والدنيا تدور ودخان المعسل يزيد ..كانت مشكلتي اني زي كذا ماحس بالوقت , الوقت يطير!!,
ودي اروح اوقف الزمن ساعة بس زيادة ..انتهت السهر على الساعة 3
وتعرفت على 2شباب سعوديين وقررنا نطلع نكمل في مخيطو ,
اخذنا التاكسي ,
وصلنا مخيطو ... بصراحة اول مادخلت ماعجبني الجو , مازال السكاي عندي الافضل , جاني واحد وطلبنا منه طاولة , قال مافي متوفر ,
لمح لي خويي قال طلع له الازرق , قلت هاه!!! لييييه!!!
قال: يالله خلص!!
قلت:طيب!!
دفعت له , وانتظرت ....ما سوى شي !!!
, طيب خلاص.. دفعنا ثانية !!
الحين خسرنا 400 درهم ,
واخيراً اختار لنا طاولة بس في خلف مو قدام!!!
عصبت%^& ,قفل جوي لاول مرة في اغادير
, قررت اطلع لوحدي
,
وقالي: تعال كمل معنا ,
كملت السهر لحد الظهر , ورجع ل واحد بيته ونادوني اصداقائي الجدد اسهر معهم بالشقة بس اعتذرت كنت تعبان ,
رحت وننمت ولا صحيت الا العصر
,صحيت جوعان !!! وين اروح؟؟
كنت لوحدي , اتصلت بالتاكسي , جاني وشغل العداد الين وصلت النهضة ..
مرة اخرى اطلب طاجين لحم واضرب الين تطلع عيونك , كنت استمتع بكل قطعة ..واتصلت على التاكسي مرة اخرى وقلت يالله تعال واطلب الاتاي الين يجي , شوي الا وتناظرني وحدة من بعيد معها عيالها وتشر لي تبي فلوس !!, كنت متردد اخاف اعطيها ثم تنشب لي @.. , بس شوي شفت فتاة شكلها ضعيفة مرت عندها وعطتها, وكانت العجوز الفقيرة تشكرها بادب ولا راحت تلاحقها زي ما ظنيت !! ,
وربي استحيت على وجهي واروح واطلع لها كم درهم واعطيها , وانتظر منها نفس الابتسامة !! بس لحقتني وقالت لسا باقي تعطيني اكثر , هربت منها هههه ولحقتني وظل ولدها يلاحقني , يابن الحلال خلاص انا اسف عطيتكم , بس مصمم ياخذ زياده هو وامه , اعطيتهم خمسين درهم , برضة استمروا وراي , قسم بالله ودي اقول عطوني اللي عطيتكم من القهر هههه
جاني االتاكسي وانا محاصر بالعجوز وولدها وانا اللي اقفز قفزة جيمس بوند واركب التاكسي .gif "Maroc (1147)")
هارباً من الجحيم الذي خلفي ..(ليش قلبت فصحى )
قال على وين يالحبيب؟ قلت ابي حمام!! قال: ماعندك بالشقة حمام!! قلت لا ابي حمام مغربي !! قال يالله بوديك واحد حلو يعجبك !! وحتى الامراء عندكم يسوون فيها حمام مغربي هههه كثر منها ياراعي التاكسي !! طبعاً صاحب التاكسي هذا انسان طيب شباب عمره ممكن 27 زي سني , اول مرة ركبت معه كان منقذني من شلة نصابين رافضين يشغلون العداد , وبعد دقيقتين تخانقنا !! كان يقولي انتم فاسدين وانا اقوله انتم فاسدين كنت اقصد بالفساد انا فساداداري واقتصادي و بعد الخناقة اتفقنا كل الدول العربية تقريبا فيها فساد من جميع انواع الفساد بس الاغلبية من الشعوب العربية تكره الفساد وتحاربه , وهنا انتهت خناقتنا ووصرنا تنتخانق على اشياء ثانية , البنزيم افضل وهو يقول الديزل افضل ههه , المهم اني فقدت رقم صديقي هذا وربي اتمنى القاه واكلمه ...بكمل بحلقة رابعة وش سويت يوم رحت الحمام المغربي
التعديل الأخير تم بواسطة روداني ; 2014-05-14 الساعة 09:25 AM