اخذني سائق التاكسي للحمام , استقبلتني فتاة كانت قمة بالجمال , وحتى ملابسها وشعرها بقمة الاناقة , طلبت حمام مغربي قالت نسوي لك حلاقة وحمام مغربي ومساج ومادري ايش عطوني اشياء كثيرة وقالو بالفين درهم !! قلت لا غالي!! قالوا: لا هذا مكان فخم وفي اماكن ارخص !!
قلت لا ابي معكم بس ابي ارخص اتفقنا في الاخير على 600درهم ماعرف كيف طاح المبلغ كذا !!
جاني الحلاق كان مهذب وشاب انيق , قلت اكيد بيخليني انيق مثلو ههه, بدا بالحلاقة واخذ وقت اطول من المعتاد وكنا نحكي صار من طنجة , تكلم عن دخل الحلاقة في المغرب يعتبر بسيط , اخبرته تجربتي بالحلاقة في استراليا تكلفة الحلاقة ثلاثمائة درهم والسعودية الحلاق ياخذ ثثلاثون درهم !! كان يقول يبي يروح استراليا ..حتى انا !! قلتها له وانا اقوله ودي بس اخذ الجنسية !! انتهتى الحوار بيننا ثم نادتني الفتاة الجميلة مرة ثانية , كنت اقول هيا الى الحمام ياحسام
..دخلت الحمام وتجهزت وكنت متحمس لكن دخلت علي فتاة بعمر جدتي وتكبرني بالجرم مرتين !! سدحتني على البلاط وبدت تفرك الصابون وكانها تضرب فيني و
كانت تفرك باداة حادةههههه المهم اني كنت اتعذب من فركها لكنها كانت ماسكتني بقوة حتى لا اقاوم !!, انتهت من الفرك وانتهى معها صياحي , ثم راحت وانا صرت وسط بخار يكتم الانفاس (كم اكره الحمامات المغربية بس دايم اروح لها)
بعد دقائق دخلت علي وهي تسكب الماء علي وانا صرت مثل الطفل احاول اقاوم الماء المسكوب على وجهي ببلعه !! سحبتني للخارج بقوة ثم قالت يالله روح خذ دش!! كانت بصراحة عنيفة جداً ..المهم انتهت ورحت البس الا وجائتني الضخمة تطلب بخشيش ..طبعاً اعطيتها خوفاً منها هههه
رحت الان لفقرة المساج ...كان المفروض المساج يسبق الحمام بس كما قال صاحب التاكسي حسين ان هذا حمام الامراء!! بس جاتني انسانة اضخم من السابقة ونادتني لسرير المساج , واضح اني الزبون الوحيد عندهم هذا الاسبوع , كلهم يعملون بحماس ويطلبون بخشيش بالقوة !!..تركت جسمي المنهوك على سرير المساج وادخلت رأسي بالفتحة واناظر والاقي شمعة معطرة بصراحة وترتني قلت ممكن تطيح وتولع نار على وجهي
..جائتني الضخمة الاخرى وبدت تمسج كانت يدها في البداية ناعمة لكن فجأة بدأ العنف والضغط القوي , كنت اتألم وانا ساكت حتى لا اتسبب بوقوع الشمعات على الارض ثم تشتعل !!, عرفت الان سبب وجود الشمعات هنا , اخذت الضخمة بنشاط تضرب وتضغط على ظهري وجسدي بقوة وتحاول بنفس الوقت تجري حوار !! مستحيييل اقول كلمة!!
انتهى المساج بس بصراحة على انه عنيف بس كان رايق وحسيت اني توي متضارب مع احد قبل قليل ..طلعت ولقيت صاحب التاكسي حسين ينتظرني ..كالعادة قفزت داخل السيارة بحماس!! قالي نعيماً ..
طلعنا الى مكان تراثي جميل ماعرف اسمه ولا اتذكره , لكن كان عبارة عن مبنى في عدة ادوار كل دور فيه اصناف تراثية مختلفة معروضة للبيع , او حتى بضاعة صناعة محلية , لقيت بالطو جلد اسود ورخيص جداً , اتذكر اشتريت مثله بالف دولار تقريباً ولقيته هنا اذكر برخيص ممكن ما يزيد عن الف درهم,,فكرت اشتري مجموعه واهديها لاصدقائي باستراليا لاني اعرف انها ستكون ثمينة بلنسبة لهم
اخذني الساائق بجولات , وبعدما خلصت طلبت منه الجلوس معي واكمال حديثنا باحد الكوفيات وجلسنا بكوفي على المارينا ام اذكره بس كان رائع ودار بينا احاديث متنوعه وكنت وقتها اتعرف اكثر على الثقافة المغربية , كان بصراحة مثقف عزيز نفس , عفوي وشهم , جلس يحكي لي عن تاريخ اغادير , ثم تعشينا بنفس الكوفي وطلب مني باستضافتي مع والده ولكن اعتذرت منه ووعدته بوقت اخر..
رحت مباشرة واتصلت باصدقائي السعوديين الاثنين , كان اغلب وقتهم نايمين وانقهر انا كيف ما يجيني نوم مثلهم !! وتواعدنا على صحارى !!
التعديل الأخير تم بواسطة روداني ; 2014-05-14 الساعة 09:30 AM