اقتباس:
المشاركة الأصلية كتبت بواسطة isaudi
أعتذر بخصوص تأخري بإكمال الموضوع .. ولكني أكتب الموضوع وانا في العمل .. فأحيانا الواحد يلاقي صعوبه بتوفير وقت للتفرغ لكتابة التقرير :)
.........
بعد ماأكملنا أربع ايام في كازا .. كانت جميله ورايقه .. استعدينا لمغادرتها والاتجاه لاغادير مثل ماتم التخطيط له ..
اخذنا سياره من نوع هونداي H1 بقيمة 2000 درهم (اذا ماكنت ناسي ) وكان مريح جداً في السفر .. أخذ منا الطريق 5 ساعات تقريباً ..الطريق جميل ومريح ويوجد فيه محطات رائعه متكامله ..
قبل ماادخل في تفاصيل رحلة اغادير .. حاب اذكر بعض المعلومات .. شخصياً كنت اتابع اخبار أغادير وتقارير رحلاتها على هذا المنتدى لإكثر من سنه ..
وأصبحت عندي معلومات عنها لدرجه سويت عنها تقرير لبرنامج الرحله يتكون اكثر من 12 صفحه .. يحتوي على كافة المعلومات والاماكن الواجب زيارتها .. كنت متحس لها جداً وكنت ناوي اسوي عنها تقرير يفيد الجميع .. وخاصه انها مدينه جديده علينا .. بالمختصر عشقتها قبل ماأشوفها ولكنها للاسف مابادلتني نفس الشعور :(
المهم وصلنا اغادير على الساعه 9.30 في الليل .. وطبعا مثل ماذكرت سابقا كنا حاجزين في المارينا لمدة 5 أيام .. وصلنا الفندق .. دخلنا الشقه .. وكانت اقل من المتوقع .. صغيره ونظافتها أقل من المتوسط .. وسعرها مبالغ جداً فيه وغير مبرر ..
المهم كل واحد اخذ شور وغير ملابسه .. ذهبنا لكوفي السكاي واللي كان بجانب الفندق .. تعشينا فيه .. الكوفي متوسط وسمعته اكبر من الواقع ...
بعدها اخذنا تاكسي واتجهنا على المخيطو (الشهييييييييير) كما هو مخطط له .. وصلنا له ودخلناه .. وهنا بدأت المشكله :( ..
شخصياً اعتقد انه اسوء نايت في المغرب كلها .. ممكن يكون اسوء مكان وليس نايت فقط في المغرب كلها .. جلسنا على طاوله صغيره وغير نظيفه .. جابوا لنا المزه واللي اعتقد انا لها سنه لم يتم استخدامها :( ..
المطرب وآه يالمطرب .. هو لايوجد عندهم الا مطرب واحد ويغني اغنيه وحده (الدبكه) طول الليل وفوق كذا يتم مقاطعته مليون مره للإهداءات ...
اهداءات قبايل .. اهداءات هلال ونصر .. اشكال غريبه من الجنسين .. المهم اننا شفنا اشياء الواحد يسافر من الرياض علشان ينساها ولايشوفها ...
انتهت السهره على الساعه 2 تقريبا .. رحنا للكزار والذي يقع بجانبه .. طلع نفس الشيء ..
اصلا الاشخاص اللي يسهرون في مخيطو .. يخلصون ويروحون للكزار .. يعني كأنك يبو زيد ماغزيت ... ماجسلنا فيه .. رحنا للاطلانتك .. وكان احسن شوي من اللي قبلهم ولكن مازال دون المتوقع ...
رجعنا الفندق على الساعه 5 او 6 والله مااتذكر :) كنا طبعا نبي نتخذ قرار جمهوري بخصوص الوضع العام ولكن جونا ماكان يسمح :) ... لذلك تم تأجيله لليوم التالي .. نمنا وحطينا الساعه على الساعه 2 الظهر (قبل موعد الشيك اوت) ..
قمنا من النوم وبدأنا بالمناقشه .. اولاً السكن مايسوى سعره ابداً .. فله في كازا او مراكش 3 ادوار وخمس غرف مع شغاله تطبخ لك احلى الاكل بدل المرمطه بين المطاعم .. وكل هذا وبسعر اقل من المارينا وانظف منها بكثير .. السهر كان سيء جداً ومايحمس للواحد انه يروح له مقارنه مع سهرات مراكش مثلاً .. موضوع التكاسي كان غير مريح ابداً ومزعج ..
لذلك قررنا مغادرة اغادير والذهاب لمراكش ..
ممكن احد يقول انتوا ماشفتوا شيء في اغادير فيها اماكن زياره كثيره .. فيها شاطئ وانشطه بحريه .. فيها اماكن سهر كثيره .. فيها مطاعم كوفيات ... الخ
.. اقوله صح .. ولكن مدتنا محدوده والوقت المتبقي لنا مايسمح لنا بالمغامره .. والوضع اللي شفناه خلانا نقيس عليه بقية اطراف المدينه ولو بشكل تقريبي .. وخاصه بإن اللي نصحونا ببقية الاماكن الواجب زيارتها في اغادير هم نفس الاشخاص اللي نصحونا بالسكن في المارينا ونصحونا بالسهر في مخيطو ويعتبروه المكان الاروع في اغادير ...
احترم عشاق اغادير جدأ .. ولاأستطيع لوهم لحبهم وعشقهم لهذي المدينه .. يمكن صح فيها اشياء جميله حنا ماشفناها .. ولكن الاجواء تختلف عند الناس والامزجه غير عن بعض .. والعاشق بالعاده لايوجد عليه لوم :)
الجزء القادم عن مراكش الحمراء .. العشق القديم :) وكلمه اخيره عن المغرب .. وهل تكون هذي آخر سفره لنا :(
في موضوع مقاطعه لأطلس مرينا مشاكله واجد بلاصه ماشي زوينه مايميزه موقعه
نعم رواد مراكش لا يستمتعون بأكادير
ولاكن رواد اكادير يذهبون لمراكش