بعد ماسوينا شيك اوت من المارينا .. قررنا الذهاب الى مراكش .. لانها كانت الخيار الاقرب والمعروف لنا ... بدأنا بالاتصالات وضبطنا لنا فله في حي تاركه الفخم ..
على الساعه 3 تقريبا وصلت السياره (مع سواق طبعاً) اللي راح توصلنا الى مراكش .. اكتشفنا انها باص :) .. وفيه اكثر من 20 كرسي ..
المهم الرحله كانت متعبه بعكس اللي قبلها .. وصلنا لمراكش بعد 3 ساعات تقريبا ..
دخلنا الفله اللي ماشفنا لها صور وكانت مغامره .. ولكن الحمدلله طلعة جميله وفيها مسبح يرد الروح :) ..
طبعا اول يوم لنا في مراكش كان انتحاري بالنوم .. بسبب الرحلات المتكرره الى صارت خلال ال 48 ساعه اللي راحت ..
بدأنا الحياة في اليوم الثاني في مراكش .. واخترنا مساج نريح فيه اجسامنا اللي انهكها السفر .. مركز المساج يقع في قليز .. واعتقد انه مشهور هناك ..
طبعا اللي يسويلك مساج "سيدات" :) وهم ابعد مايكون عن تطبيق المساج بشكل صحيح :) .. بعكس اللي سويناه العام الماضي "مساج الماريوت" ..
المساج كلفنا 250 درهم "على ماأظن" .. بعده تمشينا في قليز .. وآآآآآآآآآآه ياقليز .. يارجل شيء يفتح النفس .. معنا واحد من الشباب اول مره يجي قليز .. اول مادخله تشوفه مبسوط ومنهبل .. كأنه طفل داخل ديزني لاند لإول مره :) ..
سهرنا في مزازيك (هذا اسمه اذا ما خانتني الذاكره) نايت كلاس ورايق .. وغالبية الحضور من المغاربه ..
انتهت الاربع أيام في مراكش .. متعبه كانت وغير مرتبه بشكل كبير .. بسبب التغير المفاجئ بالخطه .. ولكنها كانت جميله ..
انتهى التقرير .. واعتذر عن قلة المعلومات المكتوبه وعن اختصار التقرير .. ولكن مثل ماذكرت سابقاً .. التقرير في الاساس كان يعتمد على مدينه اغادير .. لان مراكش وكازا تم تغطيتها بشكل كبير في التقارير الماضيه ..
المغرب اصبحت مكلفه .. صرفيتنا باليوم لاتقل عن 2000 ريال .. يعني لو تجلس 9 ايام راح تكلفك 18000 ريال غير التذاكر .. بصراحه كثير .. غالبية الصرف يكون على السكن .. ولايحلو السكن في المغرب الا في فله :) ...
الشباب قرروا انها راح تكون الرحله الاخيره للمغرب .. بسبب التكلفه العاليه ولاسباب اخرى خاصه جداً :( وجاري البحث عن البديل .. حاليا لم نجد البديل المناسب .. ويمكن السنه الجايه .. تشوفون تقرير بعنوان "سوبر هاتريك الزعطه " :) ..
بالتوفيق للجميع ..
محمد ..
__________________
كل ماحدث في المغرب أجعله يبقي في المغرب ...