من وجهة نظري المتواضعة طنجة ماتصلح للشباب اللي متعودين على ليالي الصخب والسهر والفله الجماعيه .
تصلح للمسافر المنفرد او اثنين بالكثير ويكون السكن بفندق محترم .
أنا من عشاق طنجة وزرتها مرات عده وقد اقترح علي زياتها صديق مغربي الله يوفقه ويستر عليه .
كل مانزلت المغرب يستقبلني في المطار واطلع انا وياه لطنجة ونسكن بفندق ونلف طنجه مشي على رجولنا من بعد الظهر حتى غروب الشمس
وبعض الايام نذهب للمدن المجاوره بالقطار من الساعة 10صباحاً ومانرجع الا في الليل وبعض الاحيان نذهب بالطاكسي الكبير .
يعني بالعربي سفرتي ماتكون كلها سهر بالليل ونوم بالنهار واخر مره جيت طنجة كانت بتاريخ 2014/5/1 جلست فيها حوالي 12 يوم مشت كانها 12 ساعه بدون مبالغه ولما حان وقت السفر اصر علي صاحبي يوصلني المطار وحاولت فيه اقنعه مايتعب حاله لكنه اصر وفي الاخر خضعت لرغبته ووصلنا المطار قبل موعد الرحلة بحوالي ساعه ونص قلت له فيه قطار يرجع بعد نصف ساعه احجز علية وتوكل على الله قال لا بجلس معاك واطلع على القطار اللي بعده بساعه والمشكله انا نسينا انفسنا وحنا نتجاذب اطراف الحديث في كوفي بالدور الارضي وبغت تفوتني الطياره لكن الله ستر وانتبهت في آخر لحظه وكان الوداع صعب للغايه لكن ماباليد حيله وهكذا هي الدنيا تجمع الأحباب وتفرقهم وكم يحز في نفس المحب فراق من يحبه ويغليه لكني راجع لطنجه بعد رمضان ان شاء الله اذا كان لي في العمر بقيه .
تحياتي للجميع واسف على الاطالة
التعديل الأخير تم بواسطة *قيصراوي* ; 2014-05-22 الساعة 01:45 PM