لا اقبل عليك الصيف حره وعجه
وقامت تلوى في الرياض المعاصير
وللباب صوت وللشبابيك لجه
وضاق المكان وضايقتك التفاكير
اخذ جوازك للمطار وتوجه
صوب الديار اللي تحب المسايير
اما شمال ونيتك صوب طنجه
ولا جنوب العاصمه صوب اقادير
جواً يرد الروح مافيه ضجّه
بين الخضار وبين شوف الغنادير
راحه وفرقا العالم المستلجه
اللي على الزله تسوق التباشير
مع صاحبٍ من حيث مارحت وجه
كريم كف وكل راسه صعاطير
من طيب راسه صاير فيه رجه
ماقد حسب لا رباحها والمخاسير
هذي طرات العمر روحه وسجه
لاضاق صدرك وأتعبتك التفاكير