رجعت من اغادير
وكانت حلوه السفره حيل
ولو انها كانت أسبوع ماطولت
بصراحه السكن في المارينا لا يعلى عليه أحلى وأقوى موقع
استغرب اللي يذمه
وحتى تعاملهم حلو وزين الحمدلله ماصارتلي مواقف مع احد بالفندق
والكافي سكاي يمك
بس عيب بالفندق هو الازعاج وخصوصا مبنى رقم 4
صوت كافيه سكاي تسمعه بالغرفه عالي
وصوت الغرف اللي يمك يعلون عالمسجلة وأزعاج الصبح والظهر والعصر مايوقفون شغالين مادري متى ينامون ويرتاحون ويتفسحون
وديسكو صحارى جوه صار خايس والديجي مايحط أغاني حلوه
ماقول الا راحوا الطيبين ( ديجي جيمي )
مابعده بعد
وسكاي حلو عجبني أكثر من اول
مريت موخيطو والخيمه والعنبره مرور كرام قلت بشوفهم ومشي
لان قايل انا ماراح امشي هالروتين سهر سهر سهر سهر سهر
اكتفيت ب سكاي او اسهر بالفندق مع الضيف
وصحارى أحس راحت عليه
المهم سويت حمام مغربي ومساج ورحت السوق وشريت اغراض زيوت اركان وجم غرض للأهل وشوية ملابس حلوه
حلات السفره جذيه لانها تصير لها طعم