موضوع مهم لراغبي السفر للمغرب
انا حبيت اثير موضوع مهم خصوصاً بعد ماأثرت نفس الموضوع مع المزاعيط الخبراء على الخاص ووجدت فرق كبير بين ردودهم فقلت مالها إلا افتحه موضوع ويكون النقاش على العام حتى يكون هناك تفاعل بين الأعضاء وتكون الفائده أعم وأشمل
الموضوع بخصوص افضل طريقه لحمل وإدخال فلوس الرحله
وكانت أراء اخواننا كالتالي
فيه اخوان يقولون خذ كل الكاش معك وحول المبلغ إذا وصلت المطار اعمل تحويل في بنك الوفاء بالمطار وهذي افضل طريقه عنده
وفيه أخوان يقولون صعبه انك تاخذ مبلغ كبير معك لكن خذ ثلث الميزانيه كاش والباقي خله في الصراف واسحب الي تحتاجه وانت هناك وتحمل العمولات عند كل سحب في سبيل انك تحافظ على فلوسك من الضياع
وفيه اخوان ماعنده استعداد يشيل شي معه يأخذ مبلغ بسيط يحتاجه حتى يوصل مكان السكن وبعدين يشوف كم يسحب
الموضوع لنقاش والحوار بين المزاعيط الكرام حتى تكون الفائده عامه