احرص علي المسيار يم الجماعه
وشارك ربوعك في فرحهم والاحزان
وعطهم من اوقاتك ولو ربع ساعه
وخل الوفاء والطيب لك خير عنوان
واحذر ترى الصده تجيب القطاعه
ومن عاش بالثنتين مفلس وخسران
وخلك صبور وخل عندك قناعه
وخل التسامح منهجك سر واعلان
والرجل لاصار العفو من طباعه
من يفعل الحسنى يجازي بالاحسان
والصمت في بعض المواقف شجاعه
من قبلنا قالوه ذربين الايمان
وكلمة هلا وابشر وسمع وطاعه
لو شفت منهم حيف او شفت نقصان
مش الامور بحكمتك والبراعه
وصلح وعالج ماحصل قدر الامكان
واعمارنا بيدين ربي وداعه
محد مخلد يافتى طول الازمان