السلام وعليكم

شباب انا ببالي سفره خطيره وقليل اللي سوها لانه يبيلها ناس صملة وعلى قلب واحد

شباب حنا نبي نشحن السيارات من الكويت الى تركيا ولما نوصل اسبانيا نشحن للمغرب ومن المغرب نشحن للكويت
السفره راح تكون مكلفة حييييل بس سفره العمر وراح تكون ممتعه ومتعدده الدول
راح تكون ثلاث سيارات وست اشخاص موستنجين ٢٠٠٥ ووحده ٢٠٠٦الدول اللي راح نطلعلها بالترتيب

تركيا
بلغاريا
رومانيا
هنقاريا
سولفاكيا
التشيك
النمسا
ايطاليا
سويسرا
المانيا
هولندا
البلجيك
فرنسا
لندن
اسبانيا
المغرب

وبعدين من المغرب للكويت طبعا للحين ماسوينا ولا شئ حق السفره الفكرة اليوم طلعتلنا

بس استفساري كم راح تكلف كل شخص السفره او السفره كلها من ناحية مطاعم وبانزين وفنادق وتذاكر من الكويت لتركيا ومن المغرب للكويت
واهم استفسار عندي كم سعر الشحن من الكويت لتركيا وكم يوم تاخذ وتوصل
وكم سعر شحن السياره من المغرب للكويت وكم يوم يلا توصل

المغرب راح تكون قعدتنا فيها شهر وبالنسبة لباقي الدول شنو الدول اللي تشوفون لازم ناخذلنا كم يوم فيها وشنو الاشياء المهمة اللي لازم احسب حسابها واسعار التأمين بين الدول اللي ذكرتها والاشياء المهمة اللي لازم تكون معاي
اسف ع الاطالة بس هذا كل اللي خططناه اليوم وللحين ماسوينا ولا شئ لانه يبيلها ميزانية قوية شوي

والسيارة اللي راح احط صورها ٢٠٠٦ راح اكون فيها انا اللي هو السواق عبدالله المطيري وفيصل الظفيري
والسياه الثانية واح يكون فيها علي الظفيري ونشمي الشمري
والسياره الثالثه راح يكون فيها محمد الفضلي وعبدالله العنزي