علاقات عابرة ..

وفتاة مكابرة وسهولة رجل

وأنا مليت .. من هذا الغروب الممل

والدمع لامنّه نزل وأمسى على خد التراب ..

أصبح وحل !

مسكين يالعاشق ضايع بحديقة مافيها زهر

ومسكين ياللي تلمس الوردة بأحاسيس النحل

ومسكين ياللي عايش ليومك ..

ولا به من يلومك ..

ولا عندك أمل !

الذل إنك تترك التاج الرفيع ..

وتستمر مع بقايا البشر

والذل إنك ماتشوف من الشموخ إلا الحضيض أوالسهل ..

والذل إنك ماتكون إلا الفحل


دلوع الشجر ..

لو نقطع غصونه يشين ويموت

ولو تمايل من طرب أومن عجب و سرور !

والتينة اللي عاث فيها الطير ..

غير التينة اللي ماوصلها غيرك إنت من الطيور !

والنفس فيها عزة ماتنتهي ..

وطبيعة الدنيا تدور ..

وكلنا بالدور ولا فيها زعل .

الحب ماهوب العسل ..

والحب ماهو موعد وليلة دجل

الحب انسان نبيل

يحلم ولا عمره وصل .

وازعجني صوت بأذني مايمل يقولي ............ماهو علاقة عابرة ..ولا فتاة مكابرة .. ولا انت برجل سهل تهتويه مناظر قمر ظهر ونجمن افل