نواصل ...... بعد ماصلينا واخذنا الشور وصلوا حبايبنا ومعاهم الغداء اللي وعدونا فيه كسكس وبصراحة كثروا بالزااااااف ولما قلنا لهم كثرتوا قالوا عشااان ماتقولوا ان المغرب
بخلاء "حشااااااهم طبعا" وكان متعوب عليه طبعا كنت انا بالبلكونه يوم وصلوا وشكله انكب
عليهم شوي بالطاكسي اشوف صاحب الطاكسي زعلان وقاعد ينظف سيارته "عاد من زينها" ولما دقوا الباب خليت ولد عمي ينزل لهم عشاااااان يساعدهم "يشيل عنهم" ولما
وصل الميخي بالغداء حمدت الله انه وصله بدون مايطيحع لانه كسووول ولايحب يشيل شيء بس عشانهم عصافير لازم يشيله لو يطيحه .......
تغدينا بعد ماريحوا شوي وكان لذيذ بالزااااااااااااااف وطبعا علمونا انهم لازم يمشوا اليوم بدري عشااااان الجمعة واجتماعات اهلهم مع بعض "عادات بصراحة حلوه" جلسنا مع بعض تقريبا للساعة 6 وودعناهم وكانت الدمووووووع حاضره "غنج يسلب الالباب"
كنت آتكلم وأحلم لين في رمعه ### صوتك لمَع دمْع في سمعي وقاطعني
أثرك مسافر وانا احكيلك عن الجَمْعه ### اواعدك وأثرك امكلّم توادعني !!
"رشيد الدهام"
الدموع يالربع تسوي ربكة للانسان وخصوصا اذا كانت من شخص تغليه "قد تكون دموع التماسيح ولكن بلحظتها صعب جدا التفكير"
اصدق دموع اشوفها دمعة فـراق ### من الهدب للأ رض طاحت حزينهّّ
قبل يتفارق بالهوى اثنين عشـاق ### في ساحة التوديع قبـل السفينـه
ّّمعاد تجمعهـم مراسيـل واوراق ### وكلن بـلا خلـه يكمـل سنينـه
"عبدالناصر العالي"
كلن مشى بدربه هم راحوا بيوتهم وحنا توجهنا على الديوان قلنا نجدد الذكريات
وجلسنا فيه جلسة حلوه وشيشنا وبعدين تعشينا وقمنا شغلنا الشريحة السعودية
لولد عمي "قفلها من يوم وصلنا نسى كل شيء خلاااص"
وجته رسايل موجود واجد وايضا سبق وكان من ضمن رسايل موجود رقم مغربي
تذكرنا "قلنا بس هذي العصفورة اللي قابلناها بالطاكسي اول يوم بالمغرب كلمناها
وطلعت فعلا هي وينك قالت بالبيت انتم وينكم والله بالديوووان ..... اوكي طيب شوي واجيكم جتنا وكانت قمة بالاخلاق والجمال الرباني بس تونسنا معاها وقلنا حن بنروح نسهر بالبلاك اليوم تروحين معانا قالت لامشكل كلمت صاحب الطاكسي وراحت وقابلناها
هنااااك وكان الجو دعثة واااجد "انا ارتحت بالسيزار اكثر" وسهرنا بالديسكو اللي من زمان نسمع عنه وكانت العصفوره فرفوشه تونسنا معاها للاخر للساع اربعه تقريبا ومشينا كلن على بيته وصلنا ونمنا وقلنا لما نقوووووم نروح نأخذ حمام مغربي من بكره
فعلا صحينا وتغدينا وعلى حمام مغربي قريب مننا اسمه "حمام زاكي" بالمعاريف طبعا
وصلنا حصلنا اسعاره 130 درهم حمام مع مساااااااج وقال زميلي لازم ترى نعطيهم خبر لو تقفلت المجاري "الله يكرمكم" محنا مسئولين ترى غبار وحر السعودية والطبقات اللي
على جلدي يمكن تخرب بنيتهم التحتية ضحكنا وفرفشنا وكان كل شيء تمام "المساج"
انا ماعجبني تقوول مصارعة وتبقيس اما الحمام فبصراحة دعلكة على مستوى ... خلصنا
وريحنا يمكن نص ساع ولبسنا وغادرنا بعد الاكراميات للي دعلكونا كنت اشوف طبقات تمر من عندي وانا منسدح من الزميل تقول وادي حنيفة ملياااااااان طين....؟؟؟؟
مشينا ورحت انا اجيب اغراض من بقالة قريبة "خطأ فادح جدا" وكان فيه هواء العصرية
ورجعت البيت الا وانا احس ببرد بعظامي وحساسية بالانف والله رحنا فالرحلة اعراض انفلونزا "سترك يارب" واقوم اخذ مضادات حيوية على وجه السرعة قبل الورطة ونريح للمغرب "اليوم ماجونا الحبايب اخبرناهم انا معزومين عند واحد بالسفارة" تصريفة عشاان
عصفورة الطاكسي وواحدة صادها الزميل بالديوووووووواااان طبعا انا احس بتعب وارهاق غير طبيعي ولازم اشيش المهم رحنا عين دياااااااااااب وشيشنا ورجعنا على الساع 10 تقريبا وجونا اصحابنا اللي مواعدينهم البارح وانا خارج التغطية اهتمت فيني بصراحة واصرت علي نروح المستشفى لان درجة حرارتي ارتفعت ورفضت وقامت تعمل مساج وتكميد واهتمام تشكر عليه بقوووووه وكلمت السواق وجاب ليمون وبرتقال وضبطت لي عصير عشاااااان الحلق رايح فيها ومن اهتمامها رجعت طيب مع كميات كبيرة من المسكنات والمضادات الحيوية "لااحد ينساها قبل السفر لازم تكون معاه"
زميلي مستأنس عالاخر مع ضيفته وانا اشغلت العصفوره اللي معي المهم تحاملت على نفسي وسهرنا للفجر وودعتها ورحت نمت وكااااااااان نوم متعب ومرهق مناديل
وكل شوي صاحي والله لايوريكم "حالة "

صحينا بعد الظهر ودقوا حبايبنا وقالوا حن جايين وفعلا جوا وكانوا لابسين ملابس نفس الشيء "مطقمات" وجايين من الكوافير يعني :
اطعن بحد العيون السود من قدك ### وان كان لك دين خل العين تستافي
قريبا نتواااااااااااااااصل واوشكت النهاية