مسيتم بالخير جميعا ....

ترانيم المسا ؛

شد الركايب وأطلق الشوف قدام
وأبشر بقلب مايخون الصداقه
ياصاحبي ماني من اللي ليا هام
قفل حسابات الخوي والرفاقه
والله لوردها مواريد الأحيام
والبحر يصفق من يرد اصطفاقه
أنا على درب المروات مقدام
وفيني على شوف النشاما شفاقه
لا لايغرك قول حاسد ونمام
بيني وبينك ماتضيع العلاقه
مع مرور الوقت ومرور الأيام
غلاك يوسع في ضميري نطاقه
لو الغلا يرسم بريشه ومرسام
كتبت لك عهد ونص اتفاقه
مادام راسي حي والله مـادام
لأقدرك وأغليك ياأغلى الرفاقه