أمسيت من وصل المواليـف مـزاح
وأصبحت من فرقى المواليف مفجوع
البارحه فى غبـة الوصـل سبـاح
واليوم من عرش المواصيل مخلـوع
ياصاحبى صرح الهوى والوفى طاح
كان أحسب إن لحبنا عشـرة أرواح
إلين شفت الحبـل بيديـه مقطـوع
يوم العهد به حده إسبـوع لـى راح
إسبوع ويعوّد علي شـوق ودمـوع
واليوم خمس سنين والهـم مـازاح
فى غيبته قمت احسب اليوم بإسبوع!
العام خلي يسمـع القلـب لا صـاح
واليوم مهما صاح ماهـو بمسمـوع
ضاع الحساب وشفت برق الجفا لاح
من كثر ماأظمأ للمواصيـل وأجـوع
له مني إن سره على الناس مابـاح
ولي منه إن الصد غصبٍ بلا طـوع
....