رد: تقرير سفرتي إلى ( الرباط - مراكش - كازا ) 2011م
(( الحلقه الأخيره في سفرتي وقعت على كازا ))
في آخر أربع أيام الجميع غادر المغرب من رفيق دربي أبو صالح ومشرفنا شيخ المزاعيط سادورا وبعدها قررت أغادر الرباط وكان قدامي خيارين ياطنجه أو كازا وأحترت فقررت الذهاب لكازا والذي شجعني الذهاب لكازا هو تواجد مشرفنا الغالي على قلبي ديقا وتم الاتصال بديقا لحجز الشقه وتم حجز الشقه في نفس العماره المتواجد فيها ديقا وهي شقق أمينه وتتكون من ثلاث غرف بـــ 1200 درهم طبعاً السعر هذا لأني لوحدي ، وتقابلنا أنا والغالي ديقا يوم واحد (( عسى الله لايجيب الزعل بيني وبينك )) لأنه سافر لظروفه العملية .
اليوم الأول : طلعنا أنا والغالي ديقا وتغدينا في مطعم في الزرقطوني وبعدها تمشينا في التوين سنتر وبعدها طلعنا فوق وجلسنا بالكفي العلوي وبهدها ذهبنا لعين ذياب وكان الجو في قمة الروعه وتمشينا وجلسنا في كوفي تروبيكانا ورجعنا لشقه ديقا وكنت معزوم عند أخوكم ديقا والشغاله مجهزه كبسه يحبها قلبك ، وبعدها اتفقنا نسهر بالبلاك هاوس ، ومن يرى مشرفنا الغالي ديقا بالبلاك هاوس يظن بأنه يملك البلاك هاوس أو شريك مع البلاك هاوس ، بصراحه ديقا مالك المحل وأهل المحل ملك ، لذا قررت أن أطلق عليه لقب (( ملك البلاك هاوس )) .
اليوم الثاني : ذهبت للسينما في عين ذياب ومسكت معي أحضر فيلم مغربي وبصراحه ماأدري وش السالفه بس أناظر الصور ولا أفهم باللغه لأنه حنا يالخليجيين حدنا خمس كلمات وبس (( مزيان ، بالزاف ، لابأس عليك ، صافي ، واخا )) هذي اللي عرفناه ، وبعدها رجعت للشقه ووقررت أسهر في في مرقص الـ في أي بي ، وكان في المرقص من بين الحضور الفنان السعودي إبرهيم الحكمي وطلب الحضور منه أن يطربهم وأطربنا بكم أغنيه وخلصت السهره ورجعنا ونمنا بسم الله علينا .
اليوم الثالث : قمت بالذهاب للديوان وكان فيه مباراة للهلال مع الجزيرة الأماراتي في البطولة الآسيويه وكان من بين الحضور بالديوان مشججعين نصراويين ويشجعون الجزيرة قلت بقلبي حتى بالمغرب جمهور المسيار ههههههههههه ، المهم خلصت المباراة بفوز الهلال ، وبعدها قمت بالذهاب لعين ذياب لأني كنت معزوم في كوفي وكانت فيه مباراة البرشا والريال وبعدها سهرت بالبلاك .
اليوم الرابع : خلصتوه في شراء الهدايا للأهل ، وبعدها ختمتها في سهرة وليله حمراء في الشقه (( وكانت غنية عبدالكريم عبدالقادر تنعاد كم مره والأغنيه تقول ( وداعية ياأخر ليله تجمعنا ) .
اليوم الخامس : العوده للمملكة العربية السعوديه والتخطيط للعودة للمملكة الملكية المغربية .
وبصراحه وأثناء عودتي للسعوديه إذا ضاق صدري طلعت صورة حبيب قلبي وشخصيتي المفضلة وبعدها ينشرح صدري .
__________________
