السلام عليكم اختي
اول شي الله يشفي الوالدة و يقومها على خير ان شاء الله و الف الف الف سلامة عليها بطول العمر ان شاء الله و يخليكم لبعضياتكم
تاني شي انا حاسة بك بزاااف و عارفة بلي ماشي ساهل عليك تعرضي لهاد الموقف و لكن هادي هي الدنيا .بغيت غير نقولك متياسيش و متخليش شي حاجة بحال هكا تحطم لك النفسية ديالك و الحياة مكتوقفش عند بعض الناس ربي اعطانا نعمة النسيان باش نساو بيها داكشي لي تيمر علينا فحياتنا حاولي تلعبي على هاد النقطة حاولي تناساي و تملئي وقت الفراغ ديالك و ماتفكريش فالأشياء اللي وقعت البارح حاولي تفكري غير في القدام فقط فالايام اللي جاية و بطبيعة الحال بشكل إيجابي و قولي بللي ناس كثيرة تعرضات للغدر و الخيانة و خابت امالها فاقرب الناس ليها و لكن اتعايشات مع الوضع و استجمعات كاع القوى اللي عندها و حاولات متخليش هادشي ياثر عليها و ديري فبالك أي حاجة مرت على راس بنادم كتفيده و الضربة اللي ما تقتل تقوي الواحد ايوا فكري احبيبة بلي هادا غير درس باش المرة الجاية متوقعيش فنفس الشي و كنتمنى تكوني اقوى من هكا و متخليش الياس يتغلب عليك و بيني للناس بلي راه ميقدروش يزعزعوك .و الله معك ا حبيبة و لك مني دعوة من قلب خااالص