مزاعيط المغرب - السفر الى المغرب - عرض مشاركة واحدة - رجعت من المغرب وياليتني لم ارجع ... نقاط ونصائح

مسافر ما يسافر

مزعوط قدير

المشاركات: 152

تاريخ التسجيل: Sep 2013

2014-08-19, 09:35 AM

صبحكم الله بالخير جميع
الموضوع نقل من مكان لمكان وان شاء الله ما يأثر على الي يبي او كان يقرا الموضوع
يهمني اذكر الي حصل معي عل وعسى احد يستفيد شي

طبعاً انا في كل مره وفي كل سفره اقول اليوم الي يسبق سفر المفروض انك ترتاح وتنام بدري علشان تصحى بدري للتشيك اوت من الفندق وتكون مروق ، ولكن مع الاسف لاحظتها كثيررررررررر ان احلى سهره تكون الي تسبق سفر سواء رجعه للسعودية او حتى تنقل من مدينة لمدينة .
احنا حجزنا 4 ايام فقط في اكادير ، اليوم الي سبق السفر لمراكش جت سهره بنت سته وستين ولا نمنا الا الساعة 10 الصبح والتشيك اوت الساعة 12 يعني معك ساعتين تنام فيها

كان تعب كثير واجي للشباب واطق عليهم يالله اخلصو ، كنهم ارتخو قالو ورى ما نمدد قلت افا وش السالفة قال تعب واكادير زينه وش يودينا لمراكش قلت اخلصو بلا استهبال انتم دافعين اجار حق شقة يبدا اليوم بتقعدون بكيفكم انا بمشي والوعد مراكش ، قالو خلاص خلاص مشينا .
ودعنا الحبايب وتجهزنا نبي نمشي الا يجي واحد منهم وشاق ام الابتسامه
قال وش رايك باخذ (ضيفي) معي لمراكش !!!!
قلت يابن الناس اذا رحنا وركدنا هناك خله يجي ترى ما من بعد ،
قال لا ابيه معنا بالسياره
قلت صادق انت
قال ايه والله صادق
قلت ما يبي له شنطه ويجهز اموره قال كل شي جاهز !!!!!
الخبيث مرتب كل شي من امس ولا علمني ، قلت صامل انت قال مره
قلت اجل الله لا يهينك خل معك الفين درهم بجيبك حق الدرك الي في الطريق لو صار ما صار
قال مره لو تبي عشرين الف ! يخرب بيته وش سوا بك قال لا تسأل .

انا بصراحة ضد هالشي وبشدة الي هو الارتباط وحذرتهم من يوم اننا في الرياض ولكن لا حياة لمن تنادي

المهم رحنا خذنا غداء من ماك الي قبال صحارى وتوكلنا على الله
والله ويكبتونها نومه لين مراكش وانا الي كلت هواء في الطريق واحد قاوم نص الطريق ثم نام

المهم توجهنا لمكان سكنا والي كنا حاجزين فيه الي هو الروز قاردن
بصراحة اول مره اسكن فيه لكن شباب سكنو فيه اكثر من مره ومدحوه انا اساساً لا افضل الفلل نهائياً لان البرنامج خلاص بيكون سهر في سهر في سهر انا مره وحده سكنت يومين مع شباب في فلل اسمها القاردن ستي على عزها كانت جديده هاليومين كنها سنتين ما حبيت ابعد عن الناس وجامع الفنا وقيليز احب العصر اتمشى وافرفر بين الناس لكن الفلل راح تحرمني هالشي .

المهم حجزنا كان برمضان لفله خمس غرف رغم ان عددنا 4 واحد اعتذر وصرنا 3 ، الفلل الكبيرة افضل من الصغيرة كمساحة اخذناها خمس ايام اليوم ب 4500 وكان لنا زملاء ماخذين فله 6 غرف واصلين قبلنا وكانو باستقبالنا الساعة 4 او 5 تقريباً رحنا نتقهوى عندهم ونريح وكانو مكلمين الرسبشن يجهزون فلتنا المهم شكل فيه ناس طالعين متاخر من الفله وكل ما كلمهم خويي جهزت الفله يقولون شوي شوي ما استلمناها الا الساعة 8 وحنا ما قلنا لهم ولا شي قالو كنا نغير لكم الفرش وماني عارف ايش وحنا بحسن نية قلنا عادي مو مشكلة

المجمع بشكل عام يعتبر جيد جداً العاملين كلهم بشوشين البوابين كذلك غير موقف حصل وحنا داخلين كان يوقفني واحد ومشيت عنه شوي ولحقني وقفت المهم انا ناسي ان معنا ضيف والنظام لازم ينزل ويسلم بطاقته ويسجلون معلوماته والبواب زعل شي وقلت ان بينت له اني رخو من البداية بشغلونا حصل نقاش يوم حس اني صامل قال سمح ليا اخويا هذا النظام ومن هالكلام قلت حصل خير
والموقف الثاني علشان لا انسى في مره من المرات بعض حقين التكاسي يستغل الموقف اذا كان بيوصل ضيف مثلاً مثلاً يقول ب 200 مجرد ما يكون على البوابة يقول عطوني 600 يقوم البواب كخدمه منه يكرش التاكسي والضيف اعجبني كثير هالتصرف يقول هذا شمكار

بعد ما استلمنا الفله بصراحة ما اعجبتني كثير فيها فقط غرفتين حلوه وكبيرة وثلاث غرف اكثر ما يقال عنها انها عادية جداً جداً
ريحنا شوي الا الشباب يتصلون قالو ترى العشاء عندنا قلنا تم يوم قالو العشاء تذكرت انهم ماجابو لي طباخة واذكر واحد موصيني على وحده بالاسم الله يذكرها بالخير اسمها جميله واسأل عنها قالو والله مرتبطه مع فله قلت يالله خيره وابلغ الشباب قلت حنا اكلنا وشربنا وجلستنا بيكون في الفله الثانية ما يحتاج نجيب طباخة واتفقنا مع الشباب على هالشي وقالو حياكم

خذت شاور ولبست شي خفيف ورجع للشباب ولحقوني اخوياي وبدينا نخطط وش العلم يا عيال قالو اكيد النرجس قنا ممتاز تعشينا ذاك الطاجن الي يبكي وكبسه حمراء يا ساتر استر .
المهم قالو لازم نروح علشان نحجز طاولة كبيرة قلنا خلاص على طول الي بياخذ شاور والي بيلبس ونرجع على طول المهم انا خلصت اموري مع العيال وقلت تبون نسبقهم نحجز قالو مشينا
وصلنا واثاري العيال مكلمين وحده خاصه بالحجوزات اسمها لبنى واخذنا الجلسات الكبيرة المربعة الي بالخلف فيه طاولات ب 7 الاف اخذنها مره وفيه وحده ب 5 الاف مره وهذي اخذنها اكثر من مره لان عدد الجلوس احيانا ما يقل عن 13 نفر

النرجس حلو ما تغير والفنانين يعتبرون ممتازين الجو العام حلو خلصنا على الساعة 4 وبصراحة انا ما اشوف الدرب رجعنا الفلل
صح نسيت اقول فيه شي مهم للي معه سياره قد تكون اسوء شي بموقع الفلل ان فيه نقطة تفتيش للدرك ثابتة دائماً وابداًً
الي يسوق لازم ينتبه لا يخربط ويسوق او يركب معه احد لانه بيشتغلونه صح
انا مره وحده طلعت بدون اي اثبات لي و وقفت عند النقطة وكان العسكري مبسوط ويبي يسولف وانا ما كان عندي نية اعطيه شي قلت خلني اشوف نهايتها وكنت انا و واحد في السياره وهو الي نكبني بالسكسوكة والا انا اموري بالسليم يوم شفت العسكري الثاني جا عندي قلت خلني اعطيه مية ان تأخرت يمكن تصير ميتين او حتى خمس مية ما صدق على الله شافها وتنقلب الابتسامة وياخذها ويقول سير الله يعاونك .

معليش دخلت موضوع بموضوع بس لازم اخاف انسى ههههههههه
المهم رجعنا للفلل والشباب كلمونا قالو ترى فيه افتر بارتي تعالو عندنا !! قلت ياجماعة انا بيغمى علي لو اجلس اكثر ، لزمو علي ورحت مرغماً واجلس عندهم لين الساعة 6 مجاملة وانا تعبان ، ما شاء الله عليهم جايبين معهم سماعة بوس صوتها رايق وقوي وجايبين ليزر نوعين المهم ان الوضع كاننا في ديسكو ، استأذنت منهم ورحت انام وانتهت اول ليلة في مراكش .

تعبت اكتب
فاصل و واواصل