رجعت من المغرب وياليتني لم ارجع ... نقاط ونصائح

مسافر ما يسافر

مزعوط قدير

المشاركات: 152

تاريخ التسجيل: Sep 2013

2014-08-21, 09:34 AM

اكمل من مراكش وثاني يوم

مع الاسف الاغلب يعرف الوضع بمراكش وانا في رحلاتي السابقة كما ذكرت اني احب ان استكشف المناطق واتمشى بين الناس وهالشي انحرمت منه في هالسفره بسبب رغبات الشباب وبمجرد ما قابلنا الشباب الي سبقونا انحاست الامور فوق تحت
طبعاً يمكن البعض يقول ياخي انا جوي كذا فله وسهر واكل و ونوم ، انا اقوله مو مشكلة حقك لكن الي يقدر يسكن وسط البلد ويتمشى ويروح ويجي انه ابرك له من الفلل ولخبطتها .
يمكن الشي الوحيد الي اعجبني بمراكش هو طباخه عطاني اسمها واحد وصاني عليها قال لا تفوتك بتدعي لي اسمها جميله هي و وحده ثانيه عند الشباب اسمها مريم كان كل شي يطبخونه تاكل وتستمتع بالاكل كنا ننتظر وجبة العشاء او الغداء على احر من الجمر كان هو الشي الوحيد الي سويته صح في مراكش الاكل .
بس بصراحة هالمره استغربت من التشديد الامني في مراكش وعلى العكس تماماً اكادير ، كان برحلاتي السابقة مراكش الامور هدوء حتى لو كان فيه درك او غيره كانت الامور تنحل بسلاسة على سبيل المثال :
بحكم ان معاي السياره كنت اطلع بكل وقت وبكل مكان باكادير والشرطة صحيح متمركزين باغلب الشوراع لكن بدون اي نقاط او مضايقات بينما مراكش كل تركيزهم على ممر النخيل والدورات الكبيرة والمرجان وكافور يعني الاماكن الي بيجونها الخليجيين مع ذلك ولله الحمد لم نواجه مشكله ، ممكن علشان السياره كبيرة لان اغلب السيارات الصغيرة الي شفتها فيها خليجيين دايم موقفينهم الشرطة وهذي كانت ميزة للجيب الطوارق مشككين هذولا سواعده ولا مغاربه .

كان المخطط اننا نجلس خمس ايام وبعدها نتجه للرباط ولكن الشباب طلبونا اننا نمدد معهم يومين اضافية لانهم بيرجعون وبيبقى لنا احنا 3 ايام وكالعادة التصويت بالاغلبيه على التمديد ): .

سهرنا اغلب الايام بالنرجس ومره رحنا تياترو قالو فل ومره رحنا تربل فايف كذلك فل لاننا نطلع متاخر سهرنا مره في سليفر جميل ستايل غربي رائع لكن الصوت كان مرتفع كثير خصوصاً الي بيجلس عند الدي جي
وايضاً سهرنا بالديوان اعجبني كثير التعديلات الي سووها فيها صار افضل من اول بمراحل ...

تقريباً بالنسبة لي هذي مراكش
السكن في الروز قاردن كان جيد ويرتقي لجيد جداً السلبيات بحكم ان الفله الي اخذناها كان فيها خمس غرف ، فقط غرفتين كانت كبيرة وممتازه اما الصالة والثلاث غرف تعتبر بالنسبة لي سيئة ولا حتى اعتبرها مقبوله ، بينما الفله الست غرف الي اخذوها زملائنا كانت رائعة بكل شي الصالة الغرف الاثاث افضل بمراحل من فلتنا
ايضاً من السلبيات والتي اكتشفنا فيما بعد انه امر روتيني دخول الدرك في مره من المرات وسبب ربكة لبعض الوقت وانتهت الامور على خير والي يبي يستفسر اكثر يدخل على الموضوع الخاص بالروز قاردن في بوابة العروض وحجز الشقق والفلل ، ايضاً احب اذكر الي بيسكن فيه ان ينتبه لموضوع التشيك اوت على الساعة 2 احنا جلسنا لحد الساعة 4 رغم اننا متفقين معهم ولقيتهم حاطين غرامة نص يوم 2250 مع العلم اني لم استلم الفله الا الساعة 8 تقريباً ولما جيت اناقشهم قالو السستم وماني عارف ايش المهم لم ادفع الا 1000 درهم وكان معنا ناس بتسوي تشيك اوت دفعوهم 2250 لان ما عندهم وقت يجادلون بسبب الطياره وهذا خطا وبعد دفعوهم قيمة تلفزيون 5000 درهم !!!! بعض الناس الله يهديه يخربط ويحوس ام الدنيا ، مادري متى تنتهي هالظاهره .

الايجابيات فيه صراف للبنك الشعبي قريب جداً من المنتجع ، بصراحة المكان هادي كثير وفيه جلسات على مسبح عام كبير وفيه دي جي كانت اكثر من رائعة ويوجد مكان خاص بالسهر وفيه فنان يغني ، بشكل العاملين بالمجمع كلهم بشوشين وخدومين للغاية ماعادا واحد الله يهديه اخلف بكلامه معي فيما يخص التشيك اوت ولكن للامانه اعتبره خطا مشترك حتى لا اظلمهم ما حصلنا مضايقات لا بالدخول ولا بالخروج كان كل شي حسب ما سمعنا وافضل .

الجزء الاخير المغادرة لكازا والتوجه للمحمدية الهادئة ...