* تكملة شارع كليز :
اليوم الثاني اتفقنا أنا وصاحبي نروح شارع كليز ... نتقهوه .

وفعلا ركبنا السيارة واتجهنا لشارع كليز .. وكنا مبسوطين .. وقلنا تعلمنا من خطأ موقف السيارة ..
ولا يمكن نوقف في المكان صاحب اللون الأحمر. والأصفر .. وبعد معاناة من البحث عن موقف .. مترنا الشارع رايحين وجايين هههههه .

المهم لقينا موقف وقلت لصاحبي مافي ألوان هذا الكلام كان بالليل .. طلعنا الشيشة وجلسنا وانبسطنا .. وبعد هالوقت رجعنا للسيارة .. وحنا مبسوطين وشغلنا في السليم ههه .

المهم جينا نركب السيارة ... إلا ذاك القفل على كفر السيارة .

لاحول ولا قوة إلا بالله ... طيب ماحنا واقفين في اللونين الأحمر والأصفر ... المهم جانا راعي الدباب .. وقال هذا موقف بفلوس تدفع 2 درهم وتوقف ... قلنا ما عندنا علم .

قال المهم عشان نشيل القفل ... لازم تدفعون 40 درهم .. قلنا حاضرين .. ونتعلم من شارع كليز .

فعلا دفعنا المبلغ .. وقال اخوي اذا تبغى توقف روح المكينة ودفع 2 درهم للساعة و 4 درهم للساعتين .

قلنا حاضرين ومنكم نتعلم .

*باختصار عن شارع كليز هذه التعليمات ارجوا الانتباه لها وهي :

1- عند مرورك بشارع كليز تأكد أن معاك رخصة القيادة وأوراق السيارة.
2- اربط حزام السلامة للسائق والراكب .
بالنسبة للمواقف .. جنب مطعم ماكوندولدز مواقف تحت المطعم .. نصيحة وقف فيها .. تدفع 2 درهم ومافي دوخة رأس مع المرور .

وتقبلوا تحياتي .