واعيني اللي كل ما ذعذع من الغربي هبوب
،،، يحلى لها لون الغروب اللي يذوب قبالها

ياويل حالي كل ما يحلى لها لون الغروب
،،، تطري لي الريم اللعوب وسالفة ترحالها

وعزالله اني كل ماتطري لي الريم اللعوب
،،، حرمت امد ايدي على حاجه وانا ما اقوى لها

من سافرت ريم الفلا صديت عن كل الدروب
،،، ماهو قصور بـ العذارى بس ذيك لحالها

من فارقتني ماخطف قلبي من الحور م
،،، ولا لقيت الجادل اللي تستحق احيا لها

لأن القلوب ان ما وفت لأحبابها ماهي قلوب
،،، والعشرة اللي ما ترد الروح ما نسعى لها

اما الوفاء اللي يستر الرجال من كل العيوب
،،، ولا الجفا اللي يستر عيوب العرب في رجالها