الموضوع: رحلة الرباط - مراكش ( 8-5 - 27-5)
عرض مشاركة واحدة
بوقوس الشرق الاوسط
مزعوط نشيط
المشاركات: 130
تاريخ التسجيل: Mar 2011
الدولة: الامارات - نيويورك
بوقوس الشرق الاوسط غير متواجد حالياً  
قديم 2011-05-29, 03:28 PM
 
رد: رحلة الرباط - مراكش ( 8-5 - 27-5)
نبدأ بتفاصيل الرحلة الممتعة ..

بدأ التخطيط للرحلة .. مباشرة بعد عودتي الاخيرة من المغرب .. في 9-3 .. الحمدلله تأكدت من موعد الاجازة وتم الحجز في بداية شهر ابريل .. على الخطوط المغربية .. سعر التذكرة كان جداً ممتاز .. في هالوقت .. وكان الف دولار .. عدد الاشخاص كنا اربع اشخاص .. رفقاء رحلاتي السابقة بالاضافة الى شخص قطري عزيز وغالي ويازين مخوته لو يفكنا من النحاسة لي فيه بس ..

تحركنا مباشرة بعد حضور حفل تخريج دفعة السنة في الجامعة .. حضرنا الحمدلله الحفل وحركنا بسيارتين الى نيويورك .. لانه الرحلة كانت فيوم الاحد .. 8-5 الحمدلله تم وصولنا نيويورك بسلام .. استأجرنا فندق قريب من المطار ونمنا وكان وصولنا نيويورك الساعة الرابعة فجراً .. والطيارة كان موعدها الساعة سبع المسا .. والحمدلله بعد نومة حلوة .. تم تجهيز الاغراض والجلسه في اللوبي ننتظر الجماعة يتجمعون فاللوبي

وهذي صورة تم التقاطها في لوبي الفندق ..



ومن ثم تم الذهاب لمطار نيويورك .. ومالكم فالطويلة خلصنا اجراءات المطار .. وكان وصولنا على وقت الرحلة مباشرة .. يالله لحقت اخذ لي كم كرز مربورو .. وبعض الهداية الحلوة للناس الحلوين .. وركبت الطيارة وحبتين بندول نايت ونوووم ..
ما صحيت الا لما الشباب يقوموني عسب اعبي فيشة هههه .. والحمدلله نزلت المطار .. ومشيت على تعليمات الشباب فالمنتدى كن احمق امام الحمقاء والى الامام .. اول مرة انزل في مطار المغرب ومامد يدي على بوكي .. المهم رحت صوب العفش والا العفش متأخر .. قلت للشباب عليكم العفش وانا بروح الصرافين اصرف وبروح اشوف موضوع السواق برا .. كان وصولنا الساعه سبع الصباح مطار محمد الخامس .. طلعت وصرفت وكان سعر الصرف في هالوقت 7.7 فالمطار واعتبره ممتاز على الهبوط الغير طبيعي للدولار في الايام الاخيرة .. ولكن باقي الايام كان سعر الصرف مزيان من مكيان السحب يعطونك بالصرف 7.9 افضل من الصرافين .. المهم رحت سولفت ويا ابراهيم يا حلوه ويا حلو سوالفه وهو سواق قديم لبعض الاشخاص اللي متعاملين معاه ويمدحونه لي .. انتظرت الشباب والا هم طالعين ومعهم العفش بعد ساعة ونص انتظار .. وصلنا والا السيارة ما تكفي للعفش .. اضطرينا نخلي اخو الحبيب يجي المطار ياخذ باقي العفش وخلينا العفش عند الجمارك الموجودين في الباركنات ...


اول ما وصلنا الرباط كان بانتظارنا كبير العصابه اقصد اللي فوق ابراهيم يعني اللي يرجع له الحبيب في اموره الخاصه .. ومشينا معاه على الفلل اللي كانت منتظرتنا .. اول فلة شفناها .. كان فلة جداً ممتازة فيها اربع غرف .. وقبو كبييير يصلح لسهرات واعرة لكن اجارها كان فاليوم 7000 ركبت السيارة وما رديت او حاولت اكاسره لانه الولد داخل على طمع .. رحنا الفلل الباقية وما عجبوني .. آخر فلة مرينا عليها كانت حلوة وارتاح لها قلبي وكان اجارها 4500 بعد محاورات ومناقشات نقص صاحب الفلة السعر الى 3500 والحمدلله .. سكنا في الفلة .. وتروشت وبدلت ملابسي وطلعت على المرجان .. خذيت روشن البيت كامل وكل اللي تحتاجه الخدامه >> ام يد خفيفه :Abu Ahmed (734): .. وطلعت لي شريحة اتصالات وخذت منهم كونكت انترنت بس عيبه بطيييء جداً .. واللي عجبني عندهم موضوع الضوبل >> الدبل :Abu Ahmed (167): .. عروض جداً رائعة اتمنى اتصالات الامارات تتعلم منهم شوية وتسوي خدمة الدبل ..
المهم بعيد عن التفاصيل المملة اللي راح تملون فيها فتقريري هذا ارضاء لبعض الاشخاص اللي يطلبون دايماً الدقة ..
مريت ماكدو اللي جنب مرجان وخذت لي وللشباب غدا .. ولا هم راقدين تغديت وعينت من الله خير .. وسولفت ويا الجماعة هناك .. والا السواق جاي وجايب حملة زينة ممتازه رائعة بس مب بالمستوى المطلوب حيث ذوقي صعب شوية .. لكن اهم شي الشباب استانسوا والله ..

سهرنا ذاك اليوم سهرة حلوة من جانب وخائبة من جانب آخر .. آمااالي تحطمت لكن انترظوني لأروي لكن القصص المصاحبة :Abu Ahmed (136): ..

يتبــع ،،
__________________


الله يرحمك يا زايد

غيــر موجود لفتــرة .. اعذروني ..