أنا والحق يقال عمري ما سكنت فيهم رغم أني من رواد المغرب من زمان وحافظ مراكش أكثر من الرياض ولكن أحب أوضح كم نقطة
وهي بالنسبة لسلوك أغلب رواد النخيل والروز وهم من النوع اللي يحب السهرات والصوت العالي حتى بعد شروق الشمس وبالنسبة لهم
هم يدورون راحتهم بمقبل مادي عالي بالنسبة لمستوى السكن العادي جداً بشكل عام ولا يرتقي لمستوى ال 3 نجوم وبسعر 5 نجوم لأن
فيه نسبة من الايجار تذهب للشرطة وهذا معروف سلفاً. مراكش فيها فيلات كثيرة فخمة ومستواها جداً ممتاز سواء داخل المدينة أو
على الأطراف لكن سعرها غالي وهنا النقطة الثانية وهي ميزانية المسافر نفسه لأن أغلب المزاعيط له ميزانية محدودة وهو عامل
الحسابات على أسعار النخيل والروز. مثلاً فيه فلل بطريق تاركا وشقق ممتازة بعيدة عن جيليز مثل الليفيرناج وشارع محمد السادس
لكن محتاجة الهدوء (حتى لو بالفيلا ديسكو) علشان لا تزعج الجيران وخصوصاً بطريق تاركا لأن أغلب السكان هناك من كبار ضباط
الجيش. حتى في أكادير فيه غير الثلاثي المعروف (أماديل وصحاري والمارينا) لكن لأن الشباب بعد السهر برا يبون يكملوا السهر بالسكن
فتلقاه يسكن في واحد من ثلاثي أكادير. بعدين يجون بالمنتدى وتبدأ الشكوى من ارتفاع الأسعار طيب ليش ما تشوف البديل ؟ راح يقول لك
الأمان ! فيه مثل قديم في مكة يقول "اللي يبغا الدح ما يقول أح" يعنى تبغى تأخذ راحتك على الأخر بدون ما أحد يضايقك فخلاص لا تشتكي
واسكن بالمكان اللي يوفر لك الراحة. المغرب فيه بدائل كثيرة جداً واللي يدور راح يلقى وتراه سكن مو ديسكو وكل شيء بالمعقول
يكون أحلى
__________________
الـراحـة الـنـفـسـيـة تـبـدأ عـنـد كـاونـتـرات الـجـوازات