المشاركة الأصلية كتبت بواسطة Mz3oOo6

صراحة المارينا زبالة ، سكنت فيه خلال الأسبوعين الماضيين وتغير عن اخر مرة سكنت فيه قبل سنة تقريبا ، تخيلوا الأكل مرمي بالأسياب وعند الاصنصير ويجلس اسبوع وزيادة محد شاله ولا دروا عنه ، وكل الدنيا صراصير ونامس وحشرات .
والأنوار محترقة في الغرف ودورات المياه وتتصل عليهم يجلسون ثلاث أيام وأربعة ما جوك ..
والمكيفات خربانه والتلفزيونات ،
والعاملين حقين المطعم لو جابوا لك أكل ما معهم فكه وانسى يرجعون الباقي واتصل اشتك والله محد درى عنك وأكلهم الله يكرم النعمة ..

اللي يقولي فيه مطبخ وبتطبخ ومن هالخرابيط أقوله استريح ، من اللي فاضي يطبخ ويشتري عزب وهي لو تحسبها ما تسوى الوقت والشغل والتعب ..


زرت واحد من أخوياي في رويال أطلس صراحة خدمة ونظافة وشغل عدل ، وإن شاء الله زيارتي القادمة بسكن فيه أو في أماديل لأني دايما أسكن فيه خلال السنوات اللي راحت و خصوصا بعد التجديد بيكون من اهم الخيارات المطروحة..