ياللي تغيب ولا يجي منك مرسال
وشهي سبايب غيبتك هالأخيرة ؟
قطعت عنا بإتصالك و الإرسال
ولا عاد ندري عنك في أي ديرة
راجع ملفاتك عقب طول الإهمال
وإرجع لربك وأذكره وإستخيره
وأذكر رفيق" باقي "معك ما مال
يسأل عن علومك وعينه "سهيرة
دوم يتحرى جيتك والصبر طال
وفي غيبتك ما جبت له أي سيرة
ترى الرسالة سعرها بس بريال
ولا هي على شرواك والله كثيرة
سجل لي أخبارك وبشر عن الحال
ترى الجفا والصد ما فيه خيرة
أرسل لي علومك على رقم جوال
أما وسائط أو رسالة قصيرة
...