نكمل ....... بعد ماجونا الحبايب وكان لبسهم زي ماقلنا تطقيمه وردي وصلوا رحبنا فيهم
وكان جوي غايم لسببين الاول لازلت متعب ومرهق والسبب الثاني ان الرحيل اوشك
وباقي يومين بس غير اليوم هذا على الرجعة ............ طبعا كان ودنا نطول بس للأسف رمضان اوشك والرحلات مقفلة باسباب العمره الكل عارف؟؟
وحن نسولف على الغداء اتذكر البيت ذا مع تصرف بسيط:
حل الفراق وقرب البعد يازين ### حاااان الوداع وسامحي ياحياتي
واقوله من خاطر "ن" موجوع و اللي مع خويي حساسة بقوه اشوف الدموع اربع اربع :Abu Ahmed (600):
واقول اهدئي تري حن راجعين قريب وراح نتواصل ولن ننساكم ولن ننسى عشرتكم فانتم كنتوا فاكهة المغرب بالنسبة لنا والأيام اللي عشناها سوا لن ننساها حتى لوفرقتنا المسافات وحكمت علينا الأقدار بمشيئه مقدرها ان نبتعد فانتم في نون العيون وسويداء القلب احاول انا اتصبر بس القلب احيان كثيرة يعصى صاحبه :
اتصبر واقول اني على البعد قاوي ### والله اعلم بقلب "ن" فيه الأشواق حيه
خالد الفيصل
وانا اتكلم التفت يمين الا والحبيبة سارح تفكيرها ونزلت اللقمه اللي بيدها وقامت
تقريبا كلنا قمنا وتركنا باقي الغداء والحال ميال لحظتها تعاتبنا وليه تجيب طاري السفر
والفرقا :
الله مـن عبـرةٍ فالـصـدر مخفيـهـا ### اخاف من واشـيٍ هرجـه يجـي فيّـه
يازيـن مادانـي الفرقـا .. وطاريهـا ### ماهو بطبعي .. هـذا طبـع الهواويّـه
ابن خريف
طال بصراحة الموال وخرب الجو حاولنا نستعيده ببعض الكفشات البسيطة وهدي الجو بعض الشيء وكلن دخل جوووه الين الساع 10 تقريبا رحنا شيشنا بالمنتو كريستو واغاني الساعة الاخيرة لابو نوره "طلبات خاصة" كلها على الجرح
واداعنا الحبايب الساعة 11 وحبتين ورحنا عين دياب وسهرنا لين 1 بعدها رحنا للبلاك جو زميلي وانبسطنا الين التقفيلة رجعنا الدار وبدا زميلي يشكي الحال ويقول ياليتنا ماجينا وش اللي خلانا نتورط انا ترى يمكن ماعاد ارجع معاك لسا عندي وقت اذا بدا الشهر باحصل رحلة وارجع السعودية لاني لسا ماشبعت من المغريب والأيام مرت مر السحاب
قلت جلسه والله مامعك جلسة ولاامشي الا وانت قدامي بس خلنا ننبسط هاليومين اللي باقي وربك يحلها فعلا نمنا وصحينا وعلى العصر رحنا كازا القديمة ولاشفنا شيء يعجب رجعنا على عين دياب و اااااااااااااااه من نسيم الأطلسي ودك تجلس تشكي
همومك عليه وهو بأمواجه بساعات الغروب يبادلك الحديث الشاعري
بعد الوناسة والشيشة رجعنا الديوان نبي ننبسط بكل ثانيه وكان عامر بالزاف تفرجنا وشيشنا من اول وجديد وناظرنا البشر الموجودين وكان فيه خليجين ومغاربه وطيور
زين وزين
يامدور الهين ترى الكايد احلى ### واٍسأل مغني كايدات الطروقي
نكمل السهره قريبا مع ليلة الوداع ويوم الرحيل .............. واااااااااااه من يوم الرحيل
خالد الفيصل