المشاركة الأصلية كتبت بواسطة محمود1987

السلام عليكم . بخصوص شروط ايجار السيارات في المغرب هي :
رخصة السياقة + صورة للجواز ، لكتابة العقد بعد الاتفاق على ثمن اليومية
اغلب الناس تطلب ارقام البطاقة البنكية ( فيه ناس تحجز فلوس من البطاقة تخليها hold لغاية ما ترجع السيارة فأمان ) لما ترجع يلغي الحجز عن الفلوس وهاذي نقطة مهمة ضروري التأكد منها لأنه في بعض اصحاب النفوس الضعيفة ما يلغي الحجز و بعد ما يسافر الزبون يقوم بالسحب لأنه يملك رقم البلوك و ارقام البطاقة . و لو اشتكيت ما تاخد شي لأنه ممكن يجيب لك فواتير اصلاح السيارة اللي اصلا ما لمسها شي ( اقول بعض الناس حتى ما أظلم أحد )
وفي بعض الناس تاخد الجواز و هذا في القانون المغربي ممنوع لأنه الوحيد البي يجوز له الإحتفاظ بالجواز هو الشرطي أو الفنادق ، و أصلا اللي مسافر راح يحتاج جوازه معاه فأي مكان
فيه ناس تاخد من الزبون الفلوس كاش يعني 5000 أو 10000 درهم ضمان، لما ترجع السيارة يرجع للزبون ضمانه .
فيه ناس تعطيك السيارة بثقة ما تاخد إلا صورة الجواز
أهم شي عند اجار السيارة هو التأمين الشامل و ضروري السؤال عن نسبة الأضرار في حالة الحادث
لأنه حتى ولو اخد الزبون التأمين الشامل في نسبة للأضرار على السيارة ، أغلب الأحيان تكون 3٪ أو 5٪ أو 10٪
وكل ما نقصت النسبة يكون أحسن يعني فلوس زيادة و نسبة أقل تكون احسن لانه النسبة تنحسب من قيمة السيارة .
أتمنى اكون أفدتكم سفرة سعيدة للجميع