الله يسعدكم عالردود .. وهذا كان اول يوم وثاني لأن اخوياي اللي وياي قد راحو قبل اماكان وانا اول مره
وانا بكتب اللي سويته .. وبالنسبه لي انا سعودي بس ان الكويت اقرب لي من مطار الدمام والسعر كان ارخص
وانا ناوي وجوي اني اطلع اماكن سياحيه بسس اللي وياي مايبون لاكني صملت وسحبت عليهم تابعو التقرير
...
ونكمل وياكم الجزء الثاني ::
طيب المهم ونقوم من النوم ودق احلا فطور جبن وعسل شكشوكه وشغل عدل ووبعدها اللي وياي على 3 العصر راح الله يستر عليه وانا اقوم وافتر بالروز قاردن والله الحق ينقال مجمع كل العاملين فيه يرحبون فيك ويسولفون وياك وضحك ولا احد تحسه شايف نفسه وانا امسك وياهم سوالف ونص كلامهم مافهمته بس كل شوي اوقفهم واخليهم يترجمون لي وعدة الامور الحمد لله وبعدها على الساعه 8 قررنا ان نروح للديوان ونشوف الوضع وكيف الترتيبات هناك وانا طبعا اللي اسوق السياره معي الجلكسي ومافي الا يمين يسار لين وصلنا لهم وحجزنا طاولة ب 1600 لان جايين بدري وبعدها طلعنا لشارع قليز فره وقز ووقفنا عند مقهى الف ليلة وليلة لأني سمعت فيه بالمنتدى وندخل ونطلب اتاي وحلا نسيت اسمه وسوالف وضحك انا وخويي
والثالث كان بالفله المهم وعلى ال11 طلعنا للفله بدلنا وطلعنا للديوان صراحه ترتيب وشغله نظيف والخدمه مالها حل اخذنا الطاوله وضحك وسوالف وجات مغنية جزائرية وصوتها حلو وبعدها سهره وضحك طبعا من اول يوم وانا مقرر اني اقل شي اطلع ب 5 ارقام مالها داعي اتورط ههههه زي اول يوم وبعدها جا مغني عراقي نسيت اسمه وجات بعدها مغنية اسمها سميه او شي كذا دبه دبه بس يا انا شعللت الحفله والبنات يغنون وياها ووناسسه لين الساعه 5 الصباح وبعدها طلعنا من الديوان للفله وضحك وتعليقات لأني رقصت ورقصي حفله رجل يمين ورجل يسار مششاكل هههههههههههه
ويوم وصلنا للفله دشي وجلست على االواييرلس ابي احدد مكان عشان طلعت بكره واحصل شركة او قروب رحلت دبابات بس ان كان شمس وانا ما احب الحر واجد وقررت اني اطلع لأوريكا لحالي معي سياره واموري زينه اخوياي مافي امل يطلعون وياي تعرفون الوضع عاد المهم وعلى 6 ونص ارقد وماصحيت الا الساعه 3 العصر طبعا جدولي ومخططي لأوريكا خرب واول ماطلعت الا اشوف جبال قدامي كلها ثلوج وانا خاطري اطلع ابي اشوف ثلج بعيوني وامسكه لاكن معوض خير يا انا
واقوم من النوم واطالع الا الجو توب التوب وابدل واشغل السياره ولساحة الفنا يبوويي وكل الشي بالمنتدى ماقصرو الشباب احداثيات وتقارير يعني حدد المكان اللي تبيه بالخرايط ولايوقف ولايوقف طبعا نص الشارع ادخلها غلط والعالم يهاوشون وطيطيطيطيطيطيطططط هههه وانا سوري سوري سوري لين وصلت الفناء طبعا كل حي مدخل بوابة وحوسه حسيت اني جالس اقرى بالتاريخ بس شي روعه وبعدها دخلت للفناء وانا ما احب الثعابيين ومدري مكتوب على جبهتي خليجي ولا وش مدري والله وكل ما احد يطالع فيني يا يضحك ويغمز لي او انه يجيني ويمسك فيني وانا مسكين ويجيني يقول انا تعبان طبعا انا اكره شي الثعابين ويجي واحد بثعبانه وانا افك سبرنت وانحاش ههههههه و
بعدها شربت عصير برتقال ب 4 دراهم زي ما اخذت خبره منكم وصرت اتكلم وياهم بالمغربي كلمات سريعه عشان ينخمون بس اني يصيدوني ههههه ويقولون منور المغرب وانا افكر بخطط عشان لا انصاد وبعدها اكلت اكل خفيف وبعدها رديت للفله
الا اخوياي جوهم اووووكي وديجي وضحك الين السااعه 6 الصباح وبعدها نمت الين الساعه 2 الظهر ....
وانا بطلع الان وان شاء الله برجع واكمل لكم التقرير