السلام عليكم ورحمة الله وبركاته
كيف حالكم اخواني المزاعيط مزعوط مزعوط
السموحه انشغلت عنكم يومين واكمل لكم اليوم التقرير اللي زينتوه بحضوركم الكريم وقفت اخر مره بنهاية السهره كالعاده ، صحيت من النوم تقريبا الساعه ٣ العصر وبقيت بفراشي ساعه ماني قادر اشيل عمري طبعا انا قبل انام البارح اخذت دش ورحت نمت ومثل ماقلت لكم عجزت انهض المهم عقب ساعه قمت بالغصب ونزلت تحت اكلت شي بسيط من غير نفس والمزاج سيئ جدا وجيت الربع عند
المسبح وشكلي معفوس شفيك ياولد قلت مافي شي قعدت معهم شوي واخذت كم نفس شيشه ورحت الصاله حسيت بشوية برد برا
وبعدين بدوا الربع يتجهزون للطلعه اليوميه من المرجان لقليز والكافيهات وقز بشوارع مراكش واللي ينزلونه بحمام كنوز واللي ينزل بكازينو السعدي ويرجعون الباقي للفيلا علي الساعه ٩ انا يومها مارحت وياهم وبقيت منسدح بالصاله ويوم اذن المغرب قمت بالغصب
وتوضيت وصليت المغرب والعشا وطلعت غرفتي ولفراشي وعلي الساعه تقريبا ١٠ جت حدا الطيور ودخلت الغرفه ويوم تشغل الليت والا ابو احمد نايم قعدتني وماقدرت اقوم اشرت لها اطلعي وراحت للشباب قالت ابو احمد مادري شفيه جوني كلهم والا انا شبه فاقد الوعي ويكلموني وانا مادري عن الدنيا وحرارتي نار معنا واحد من الربع طبيب بمستشفي الاميري بالكويت علي طول راح هو وواحد
ثاني للصيدليه وجاب خمس ابر وجا غرفتي وحاول يصحيني لكني فاقد ماحس بشي اذكر اني سمعته يقول عمو ابو احمد لاتتحرك
وعقبها مادري عن شي نزع ملابسي وضربني ابره وغطاني وطفا الليت كانت الساعه حول ال ١١:٣٠ فجأه قعدت اتقلب بالفراش واحس اني ميت من الجوع ويوم انتبهت وقمت من فراشي والا ملابسي تقطر ماء وفراشي مليان ماء وعلي طول للحمام الله يكرمكم اخذت دش ولبست ونزلت للربع والا الساعه كانت ٢:٣٠ ويومها الربع ماسهروا عشان لايزعجوني ويوم نزلت لهم كأني جايهم من سفر
وهات ياسلام وبوس والجو كله صار فرفشه ووناسه قلت شفيكم طافين الليله يالله بس عطوني دقايق اكل واظبطكم بأحلي دي جي
وجابت ام صلاح الطباخه عشاي وعقبه اتاي وجلست مكاني فتحت اللاب توب والجوال وسدحت الفلاش ميموري معهم واحلي سهره
لين اصبحنا وعقب سكرنا الدي جي وشغلنا الليتات وطاحت الكبسه وشاي وشيش وكلن لغرفته وبقينا ثلاثه بالصاله هم اثنين مع طيورهم وانا ثالثهم والا يفاجأنا واحد من الاثنين الجالسين قال يالربع العذر والسموحه انا بسافر الكويت الحين صراحه صدمنا بهالخبر ياولد شالسالفه قال عندي شغل مهم ومضطر امشي طيب الحجز شلون قال رحت البارح يم مكتب الحجوزات اللي عند الدرقاوي وقالولي روح الخطوط المصريه داخل مطار كازا واحجز من عندهم مباشره المهم انا رفضت انه يسافر وقمت وبست راسه
وطيره ماغير تهل دموعه اربع اربع وحاول وحلف انه مضطر وانا ولا همني عذره عقب قال خلاص ماني مسافر وبعدين رحنا غرفنا
نمت وصحيت علي العصر تعبان شوي ويوم نزلت تحت والا يقولي واحد من الربع فلان يسلم عليك ويستسمح منك تراه سافر نطرك
تنام وطيره بعد نام واخذ شنطته وعلي كازا ويوم ركب الطياره دق تلفون علي صاحبنا قاله تكفا تبوس خشم ابو احمد نيابه عني ويسمح لي ووصاه علي الطير يكرمه اخر كرم صراحه ضاق خلقي وتعومست وانا اصلا تعبان ومزاجي موبذاك الزود ومر علي اللي حصل امس يوم جا المغرب ولفراشي وهات ياصخونه وكحه ويجي صاحبي يفصخ ملابسي ويصكني ابره واقب ساعتين والا انا مصحصح ادور الاكل والربع تو جايين من برا طالعين من المغرب تمشيات ودوجه بمراكش والا الاتصال من الكويت من خوينا اللي سافر امس قال يالربع تبون شي من الكويت انا جاي بكره في البدايه ماصدقنا واتصلنا علي الربع بالكويت قالوا هذا جا امس ومنهبل
ماغير يسولف بالمغرب وراح المكتب وحجز وبكره جايكم وفعلا ثاني يوم جانا العصر هو عندنا بمراكش قال يالربع ماتحملت اذكر كل
لحظاتنا مع بعض وربي انجنيت قلت اروح مهما يصير طيب وشنقزك عنا قال شغل ضروري ويحلف ان الشغل خلص يوم حط شنطته بالسير بكازا جاه تلفون من الكويت ان الموضوع انتهي لكن الشنطه راحت ويقول ماحبيت اخلي الشنطه وارجع قلت خلاص ماني مغير نيتي لازم اروح الكويت ويوم وصل الكويت انزعط زعطه جنونيه ورجع ثاني يوم ونفلها هاك الليله عشان جية خوينا وسهره واعره بالزاف والطيور اكثر منا بالفيلا ومن كثر العدد جبنا الشغاله اللي بالشقه تساعد شغالتنا بالفيلا للصبح وعلي الساعه سبع ونص الصباح نزلت الذبيحه علي سلامة وصول خوينا واحلي عشا مادري فطور هو عيش ولحم ووقته الصباح عاد انتم سموه اللي تسمونه
وعقبه شاي وشيش وانواع الضحك والتعليق والطقطقه علي هذي والا هذا وعقبها كلن لفراشه واوقف الحين واستكمل لكم بكره ان شاءالله واللي ان نلتقي اخليكم بحفظ الله ورعايته ودمتم بكل خير