هلا وغلا اخوي اغاديري شرفتني بحضورك
بالنسبه للسكن الفلل اللي برا المنتجعات افخم واحلي وارخص سعر ولكن الامان غير مضمون وذلك لسبب بسيط اللي حاصل ان المؤجر سواء كان فندق والا فيلا او حتي شقه مفروض يبلغ السلطات ان عنده سياح هنا يبدأ الابتزاز من قبل الدرك يكلمون صاحب
الفيلا عشان العموله ان عطاهم والامور مزيانه وان رفض مالهم درب عليه الا بحاله وحده وهي المداهمه طبعا صاحب الفيلا ماهمه
السائح يروح ويجي غيره فأنت اذا استأجرت فيلا شدراك ان صاحبها عطي الدرك والا ماعطاهم وصاحب الفيلا بطبيعة الحال يأكد
لك ان الوضع امان لان يبي مصلحته واكثر اصحاب الفلل يعطون الدرك ولكن انت شلون تضمن ان هذا عطاهم وماعاند معهم لذلك انا اشوف ان المنتجع افضل من ناحية الامان مع زياده بالسعر عن الفلل برا بمقدار الفين درهم بالكثير وهالزياده ولاشي مع الامان الواحد يدفعها مقابل انه مأمن علي نفسه.
الموضوع الثاني بخصوص الدي جي تقدر تأجر ب ١٠٠ درهم باليوم من السوبر ماركت اللي بالدرقاوي او تعمل مثلنا رحنا المرجان واشترينا دي جي مع سماعات ب ٢٦٠٠ درهم بس شي روعه وانا اقول اذا سفرتكم ماهي طويله أجر السماعات ارخص لكم