ونقول باااك لكم ..
وبسسم الله نبدأ الجزء الثالث
::
طبعا زي ماتشوفون قبل اخطط ومشاريع وكلها تروح بلوشي ههههه الله لايلومني اشوف شي موب صاحي
المهم اليوم الرابع اظن بديت انسى الله لايستر عاد هذي اهم الذكريات مابيها تروح ههههه بسوي لها مومري خارجي واكتبها ههههه ومالكم بالطويلة على 3 الظهر ناوي اروح اسوي مساج وحمام مغربي بما انى المغاربه هم المشهورين بذا الشي وادور يمين يسار ابي محل يظبطوني يخلوني ارجع وكاله وادور لقيت محلات واجد ونصحوني فيها لاكن قررت اروح السوفيتيل يمدحونه يقولون نظيف وترتيب وسعره غالي شوي بسس قلت عايدي
المهم واشغل السياره وللسوفيتيل يبوووي وانا بالخط الجو سسبحان الله ماله حل امطار وشي موب طبيعي وابو 10 دقايق وانا عند السوفيتيل واوقف ويجيني واحد ركض ويحط فوقي مظله وانا استانس قلت وش ذا االدلع والحركات ويدخلني الفندق واعطيته هديه بسيطه ماقصر حسسني اني ملك وادخل وانا بكل القوه والنشاط ابي المساج والحمام المغربي وادخل لهم ويدلوني على المكان يوم وصلت لهم على الساعه 4 ونص واقول لهم ابي مساج وحمام مغربي قالت لي انت حاجزز ويختبص وجهي قلت لا قالت لازم حجز هذي نقطه مهمه انتبهو لها المهم واحجز لهم على بكره على 7 وارجع ادراجي للسياره حالتي مزريه ههههه كسرو خاطري المهم
وارجع اشغل السياره وافتر يمين يسار ووصلت لمجمع المزار حسيت اني بنهاية مراكش خلاص خلصت وكن يساري بالخط ديسكو 555 ترتيب شكله وادخل للمزار صراحه مجمع ترتيب واسعاره حلوه والمطاعم فيه حلوه بس مشكلته انه مفتوح يعني تدفى زين ولا البرد بيصك لين لين تمرض ههههه وافتر ابو ساعه واشتريت ملابس بمحل اسمه كيا او شي كذا اشياء عنده حلوه ورخيصه وبعدها طلعت والى للروز قاردن وسوالف وضحك ويا اخوياي ورقص وفله وتاعبنا فله بالفله ديالنا لين 12 وبعدها نمت مشكلت نومي ثقيل تعرفون الجو براد ومشكله الواحد مايقوم الا بعد الموت
وواقوم خامس يوم من بدري واخذ شاور وبعدها الا الفطور جاهز على الساعه 11 الظهر كانت عندنا طباخه اسمها نزهه الله يعطيها العافية والله ماقصرت ويانا وتشوفني دايم لحالي وتسولف وياي وتدلني اماكن زينه اروح لها وانا ناوي لارجعت هي اللي بتكون ويانا ان شاء الله وبعدها طلعنا انا واخوياي نتابع مبارة الهلال وسيدني بمقهى الف ليله وليله بشارع قليز ويوم دخلنا الا الشعب السعودي متواجد وفيه كم واحد مظبط اموره ههههه ونتفرج المباره لنصها وكان المستوى ماش وتزق ويانا
وبعدها للسوفيتيل يبوووي حاجز لاتكلمني هههههههههههه وندخل لهم واخذنا مساج وحمام مغربي ساعتين ب 1490 درهم بسس شغل ترتيب وعلى مستوي ويمديك تختار رجال ولا بنت بسس انصحكم بالرجال عشان يظبطك لان عندهم صواريخ لو تاخذ بنت يمكن مايعجبك المساج وبيكون خرطي واحلا مساج وحمام مغربي ساعتين ونرجع وكاله ولقيت واحد كويتي جاي لحاله وساكن بالنخيل وضحك وسوالف وبعدها يعطونك شاي بالبابونج عشان يريح الجسم والاعصاب وبعدها اخذنا فره بالفندق صراحه فندق توب التوب تترتيب ومن جهة المسبح شموع وحركات وممشى فوق المسبح شغل عدل وبعدها طلعنا للفله ووصلنا الى العشا جاهز برقوق لحم شغل ترتيب يالله لك الحمد وبعدها احلا عشا
وبعدها مشروعي كان اشوف ديسكو 555 وطلعت له لحالي وومشكلتنا مانعرف لطرقهم حوسه وانا بالخط داز شوي بالخط ويصديني الدرك اشوفه يبلغ عالووحه وانا مادريت وعند الاشاره اشوف نقطه لهم ويطالعون فيني والاشاره حمرا واحسبهم زينا مسموح تلف مين واخذ يمين وياشر لي وكنك ماتشوف ورده 3 ودز يالذيب هههههه والحمد لله دزيت وربك ستر ودخلت للديسكو دفعت 200 عالبار تجلس ولك ريد بول او اللي تبيه طلب واحد وتكيت للساعه 3 والجو كان اجنبي بحت وديجي واطلع وللفله ورجعت مع طريق ثاني عشان مااحصصل الدرك ويطقطقون علي ههههه والحمد لله ماحصلتهم وبعدها للفله واحلا نومه ...
بكره نكمل وياكم ان شاء الله