السلام عليكم جميعا

ما قول الا ... لبيه لبيه لبيه ....لكل الرجال المطاليق .... انا وش انا ما ارد عليكم رحبتو وضيفتو وبيض الله وجيهكم واحد واحد

واشكر دعوة الاخ احمد بن زيدون ... ون ما خاب ظني انه من 89 وهويروح المغرب من امريكا لاني كنت بعده في امريكا

والعلم الوكاد ان اوراق الادب خلصت ما عاد فيه الا اوراق التطعيس وشبة النار والمهيلة ....

في الحديث ( حدثو الناس بما يفقهو )

مالكم بالطويلة ...المشكلة وش بازيد على الرجال المناعير ... من اهل السفر وفلة الحجاج ...والى امتطو صهوة الطائرات يمخرون بها عباب السماوات .....تجربتي يتيمة ... وصدق ما ادري انا بأرجع ولا لا ....يقول قرط حنا الزعطة الانسحابية .. بعض الخبرات تخرج درر وتصف بأقل العبارات... اسمع العلم يابعدي ونت تعرف

بأختصار الحادثة الثانية واذكرها هنا للتنبيه ...دخول ثلاث بنات من الشفاره كانو مندسن ما ادري في السيب تحت الدرج العلم اني يوم دقيت الجرس فتحت الشغالة ولا ذو الثلاث يدفون الباب من بعدي ويهجمون علينا مثل البرق وقبل ما افكر دفو الشغالة ودخلو وقفلو الباب ....وحطو شي على رقبة الشغالة ( عرفت بعدين انها موس )وهي تقوم تتوسل لهم الله يخليكي الله يخليكي.. ونا وخويي واقفين لا فهمنا كلامهم ... والموقف مربك ... حنا رجال نعرف القتال منا بورعان ... بس ما حنا فاهمين ...قلنا الشغالة يمكن لعبت عليهم قبل في دراهم لا بينهم ثار ولا مصيبة ....المهم ونا انطلق على الغرفة وحرز دراهمي وجوازي وبعدها حلال .... المشكلة وحده منهم حامل ... وارجع للهوشة الا الباب يدق من برا بقوة ... مدري من فتح الشغالة او ذولي ...الا وحارس العمارة وولده الكبير ومرته معهم ...وخذ يا اكشن ضرب بالعجر وكسرو فازة قزاز على الماصة وتناثرت بغت تعدمنا .. انا مسكت يد الولد بالعجرا يبي يضرب وحده منهم في راسها ..وهويسبسب قلت لا في شقتي لا ( بيجيب لي جريه المهبول ) ...وجلد وشد شعور الين طلعوهم برا الشارع ... هذا في اكدال الربا ط

اثاريهم سووها مع كم خليجي وعطوهم فلوس يبون يفتكون (( لان الوضع بالشقة ملغم طيور وبلاوي )) حنا على المكشوف والعالم تشوف ..ما عندنا الا الضعوي ولو طالت السالفه كان تصرفنا ... بس الله يسر لنا هل الحارس وعياله .. واللغة نكبتنا نطالع كنا في معهد الصم والبكم

الحامل طلعت نفيخا ببطنها ووجهها مشطب بالسكاكين ومعها ثنتين شيف وطوال كنهم رجاجيل ..شكلهم رد سجون

لحد الان مدري هل المسئلة مسرحية ولا صدق الى صار لانا عرفنا من شقة ثانية انهم دايرين على كم شقة في اكدال بنفس الطريقة

اثر الحامل تشر على وتقول هذا ابو الولد ...قلت لعن الله الى جابك توني امس مختم جوازي من المطار واول مرة اروح المغرب ... والله لونه بلوتوث ما حملتي بيوم