الحلقه الرابعه: اصبحت اليوم الثاني حول الظهر بعد نومة مريحه وعلى الشور نص البارد ولبس رياضه سبورت وعلى المطعم الي تحت واحسن فطور وبعد الفطور طلع خويي الغرفه ووصيته يجهز الارجيله واحسن ما فيه ما يحب الطلعات . طلعت الكورنيش وبالخطوه السريعه مشي حوالي ٣ كيلو ذهابا وايابا ويا كثر المزاعيط الي يتمشون والمقاهي والمطاعم عامره لكن ما خطر على بالي ادخلها من واقع تجربه لا شيش زينه ولا خدمه بحكم ان المغرب جديد على المعسل والارجيله. رجعت الغرفه واحلى دش واحلى زعطه وصوت الاستريو ينسمع من اعالي البحر باحلى طرب واعذب الاصوات وياليل خبرني عن امر المعاناه هي من صميم الذات ولا اجنبيه .وبعد العصر اخذت قيلوله قصيره. وصحيت بعدها واحسن شياكه وعلى مول المغرب واحلى تمشيه وبعض المشتريات والهدايا وتكحيل العين ولسان حالي على طول عساك بالسيل ياهالديره . رجعت فندقي وطلبنا العشاء مشاوي بحريه والمزات وبدت الزعطه والصهلله حتى ١٢ واحلى شياكه وعم عبده ينتظرني عند باب الفندق والخطه رحلة استطلاع للبلاك هاوس لمدة ساعه تقريبا وبعده طلعت على vip وقعدت فيه حوالي ساعه ونص وبصراحه انا ما احب مكان اكون فيه من جملة الناس احب مكان اكون فيه كل الناس وهو بيتي رجعت الفندق وكملت السهره لحول الفجر. وضفيت اغراضي ودخلت عفشي ورجعت الاغراض في الشنط وقلت لعبده بكره الساعه ١ نحرك لطنجه وطبعا يجيب سياره طرقيه لخويي وبعدها ركعتين واحلام سعيده وغدا نبدأ الرحله الميمونه لطنجه المزيونه وسلامتكم وتصبحون على خير .