تدري وش اللي يجعل البال منحاس
والضيق في وسط الحنايا مقره"
ترك الصلاه ونظرتك عورة الناس
والمجلس الي تستحي ما تمره
وتدري وش اللي يجعلك شامخ الراس
محشوم في ربعك ومحشوم بره"
اختار لك بين المصلين مجلاس
بالصف الاول كان تبغى المسره"
يكفيك ربي من عنا كل وسواس
دام القدر تؤمن بخيره وشره"
وخلك مع اللي خوته مثل الالماس
تلقاه في بارد زمانك وحره
"شرواك يالغالي"
Sent om my iPhone using مزاعيط المغرب