ردى الأصل لو شفته صفالك
ترى الأنذال عشرتها مصايب
ولو تعطيه من غالي حلالك
ترى الخايب على ما قيل خايب
اذا صارت له الحاجة عنالك
ولو تحتاجه انته صار غايب
ويضحك لك وهو قاعد قبالك
ولا من صد في امره غرايب
ويحلف لك يمين انه صفالك
وهو عن مشيته ما هو بتايب
وراعي العيب لو هو من عيالك
ولو هو من جماعة او قرايب
تراك برفقته اتعبت حالك
فقله رح يعلك للذهايب
فاحذر يا فتى واعرف رجالك
من اللي ما تزعزعها النوايب
يعلو بين خلق الله جلالك
ومن عاداك وروه العقايب ....
علي بن محمد القحطاني
..