اقتباس:
المشاركة الأصلية كتبت بواسطة المزعوطه
شكرا كثير
طيب كيف احجز للمدينه من كازا ؟
آخذ الرحله لجده ومن جده للمدينه وللا كيف ؟؟
وبكم درهم مغربي تقريبا ؟! آسفه على الازعاج وشكرا
الحل الأول: بالنسبة للخطوط السعودية راح تحجزي من كازا على المدينة بس حيكون في توقف في جدة فوق ثلاث ساعات وراح يكلف الحجز تقريباً (5194درهم) وممكن يفرق شوي حسب سعر الصرف ، وممكن يتغير السعر من الخطوط نفسها لأن هذا السعر الحالي على موقعهم، وهذا في حال أفترضنا إنه السفر راح يكون بكره الأحد على سبيل المثال.
الحل الثاني: إنك تحجزي على الخطوط المغربية من كازا إلى جدة ويكلفك حسب السعر المعروض على موقع الخطوط المغربية (4624درهم) ، وتعملي حجز آخر راح يكون من جدة إلى المدينة على الخطوط السعودية وراح يكلف تقريباً (345درهم) وقد يختلف اختلاف جداً بسيط على حسب سعر الصرف.
طبعاً هذا في حال انك قاصدة المدينة مباشرة ، بإستثناء لو كان عندك ترتيب إنه من جدة على مكة ، لأن في هالحالة حتروحي من جدة لمكة بتكسي ومن مكة على المدينة بتكسي ، أو ترجعي من مكة لمطار جدة ومن جدة على المدينة طيران.
أتمنى أكون أفدتك ،،،.