من احلا اللحظات

في رحله للمغرب قديمه

ما نسيت عائله مغربيه ناقصها الاب طالعه اجازه للمغرب هم مقيمين في السعوديه

وثنتين من من بناتهم متغطيات الله يستر عليهم بس من تشوف العيون تدري ان خلف الغطاء كلام كبير

واحلا مافيهم الله يخليهم لأهلم وصلنا لكازا وهم ما شالو الغطاء

طبعاً انا تميلحت ولفت الانتباه هههه لا شعورياً

واكتشفت انهم طالعين لفاس انكتمت مدري ليش المعلومه اخذتها من ولدهم الصغير الي صار صديقي يقول حنا من فاس ورايحين نزور الأقارب

وانا طقيتها صحبه مع ولدهم الصغير ماشاء الله وسيم جداً اتوقع عمره 12 سنه من تشوفه تدري ان الخوات فعلاً غزلان

وصار صديقي انواع السواليف في الرحله مقعده جنبي يفصلني عنه الممر

و والله مايعرف يتكلم مغربي مولود في السعوديه

ومخربينه مبزرتنا يعرف مصطلحات والله اضحك وهو يقولها ههههه بس يتكلم بلهجتنا تمام كنه سعودي

عاد يقول صديقي الصغير انا عشت بالسعوديه اكثر من المغرب يقول مع اعرف شي بالمغرب

ويحب السعوديه اكثر الله يخليه لأهله ويتضايق اذا بغو يزورن المغرب ههههه عاد انا ارد عليه حرام عليك انت ملعوب عليك هههه ركز بالله
وهو طق الميانه حتى يستخدم يديه ههههه يطقني وهكا

( والأم ) ام الولد سامعه حوارنا وتضحك احيانا من سواليفنا

وماشاء الله عليها الله يخليها لعيالها يوم قربنا موصل رحبت فيني وسولفت معاها شوي
حتى اتذكر نصحتها و وصيتها ع ولدها وتشكرت مني

المهم اني النظرات الخطافيه من الخوات المتغطيات :) مقدرت انساه سببت لي تعب نفسي ومعنوي وبغيت اغير وجهتي كنت ذيك الرحله طالع مراكش

بغيت اخليها فاس عشان استكشف المدينه واشوف حضارة فاس :)

لكن خويي قال اركد بس ولايجيني خنبقه وفعلا طلعنا ولقينا السواق وتوجهنا لمراكش الحمراء والحمدلله من وصلت مراكش زانت النفسيه وتعتبر من افضل الرحلات