لأجل
عين تكرم مدينه ونروح كوفي قهوه كحله في كوب
ويتم تضبط المزاج بنجاح ونسئل عن مسجد لصلاة
الجمعه ونروح له ونصلي واللي علينا بالخير ونعيط
على يوسف المغربي قال اسئل عن حي الهدى
واذا دخلت الحي عيط علي قلت له واخا توكلنا على
الله ونسئل واحد واقف معنا في الاشاره قال اتبعني
اخويا ومعه حتى دخلنا الحي وشكراً له
( شعب طيب يحبه قلبك ) ونعيط على يوسف قال
حدد مكانك وحددت له مكانا قال انتظرني
انا اجيك عزالله ماطول وسلمنا عليه وطلع معنا
بالسياره يمين يسار وحنا واقفين عند باب البيت
نزلنا وهو يرحب الله يوفقه ( مدري وش شاف فينا
عشان يحبنا كل هذا الحب ) مرحبا مرحبا ودخلنا
لدار وماشاءالله تبارك الله بيت مغربي على اصوله
وجلسنا ودخلت علينا امه ترحب فينا وتجلس
معنا ( خويي بداية الامر فيه رهبة وبعد
هذا الترحيب الابتسامه شاقه وجهه شق ) وسواليف
ويضيفونا بالأتاي المغربي غير مليون مره عن
الموجود بالكوفيات والمطاعم له نكهه خاصه جداً
وسواليف عن السعوديه والمغرب ويقدم لنا الغدا
كسكسي وطاجن خضار وطاجن لحم بالبرقوق وخير من الله
وحسيت فعلاً بالفرق في أكل الدار وأكل المطاعم
ونطلع من عندهم بمرحبا مثل مادخلنا بمرحبا
واسئل خويي كيف الوضع معك قال ناس طيبين
وعلى الفطره المهم نروح ماك ناخذ غدا لضيوفنا
بالشقه ويتغدون ونسولف لهم عن زيارتنا لدار
ام يوسف ويسولفون لنا ان هذا اقل شيء يسوونه
لضيف الشعب المغربي مضياف جداً المهم قال
الخوي سهرتنا الليله بمخيطو قلت تم وبعدين
دخلت انام والساعه ١١ شور حار بارد ونضبط
اللوك والخوي فديته جاهز قدامي بالصاله
وعلى مخيطو ونفس وضع الخوي ترحيب بزاااف
واحلى طاوله وسهره تشوف العالم اشكال والوان
( والاضاءه لها دور ي شباب ! أكيد عرفتو قصدي )
المهم انا على المدرج انا وضيفي اما الخوي وضيفه
فوق الذرعان وبعد السهره على الشقه ونكمل
السهره ( والسهر ه بالشقه بالنسبه لي اجمل )
قلت للخوي بكره نروح تغازوت ( طبعاً يوم السبت
والأحد اجازة بالمغرب ) واحلى نومه والساعه ٢
الظهر اصحى وشور حار بارد واصحي الخوي
ونص ساعه وهو جاهز مثل الذيب ونروح كوفي
وكوب كحله ويتم تضبيط المزاج بنجاح
ووينك ي درب المحبه على تغازوت واحلى ابونوره
وطريق لفات وطلوع ونزول حتى وصلنا لشاطيء
( الشعب المغربي عنده ثقافة الرحلات عاليه جداً )
وعلى الشاطيء جمال وخيول ومظلات وفي البحر
دبابات بحريه وانت وجوك قال الخوي وش رايك
يالبدوي بر والا بحر قلت ماطرا لي بحر بركب على
ظهر هالهرش واتجول على الشاطيء والبحر ما
احب منه الا الحوت وغيرها سلامتك قال براحتك
واحلى وناسه على شواطيء تغازوت ( وشمس
الغروب تذيب القلوب ) قالو الشباب فينا الجوع
وعلى المطعم الهندي واحلى وجبة غدا بالفلفل
( طلب خاااص ) والشباب على الريحه ونروح كوفي
نشرب اتاي وقلت للخوي وش رايك ناخذ لنا هرفي
صغير بكره ونطلع نشوي ونعزم يوسف نرد له بعض
من كرمه معنا قال تم يالبدوي ( يوم الاحد آخر يوم
لنا في اكادير ) طالعت في خويي قال نمدد الى
يوم الاثنين قلت تم وراح الاستقبال وضبط معهم الوضع
واتصل على يوسف واكلمه قال واخا بس تعرف
تجيب الخروف قلت لا قال اوكيه اتصل بي بكره
نروح سوى قلت تم عطيت الخوي فكره عن اتصالي
بيوسف قال اوكيه رجعنا الشقه ونسهر على خفيف
بكره يوم طويل رحلة بريه لازم النوم بدري والساعه ٨ صباحاً
اصحى واضبط اموري واصحي الخوي ونطلع
كوفي هالمره قهوه نص نص ونفسين مالبورو
ويتم تضبيط المزاج بنجاح واعيط على يوسف
ويرد الشقردي بسرعه على اتصالي قال تعرف
طريق الدار قلت مسمره في راسي المهم نزل ومعه
اغراض الرحلة كامله وعلى سوق الغنم في انزكان
قال انزل معي اختار ولا تتكلم نزلت واخترت هذاك
الهرفي ونروح المرجان ونشتري خضار وفواكه
وكماليات الرحله والساعه ١٢ ظهر وحنا مضبطين
الوضع والخوي يعيط على ضيوفنا بالشقه قالو
جاهزين ويروح يجيبهم وانا ويوسف مضبطين
احلى مقلقل سعودي مغربي ونفطر ونختم بالأتاي
المغربي وسوالف وضحك والساعه ٤ تبدا المهمه
الكبرى تضبيط احلى وجبة غدا شوي على كيفك
ونريح شويات ونجمع اغراض يوسف ونرتبها له
ووينك يا درب المحبه ونروح لبيت يوسف وينزل
ونودعه لان بكره مسافرين مراكش وعلى الشقه
واحلى شور حار بارد واكلم الخوي عن حجز
مراكش قال كل شيء تمام لايهمك شيء
يالبدوي ارقد وآمن كل شيء تحت السيطره
والسهره بالشقه على خفيف
ونواصل معكم رحلة مراكش ان شاءالله
وحرارة دموع والخوي قلبه اخضر