المهره اللي شفتها قبل العصر صادفتها
معذور لو وصفتها وغنيت عذبات اللحون
بعيونها الموت الحمر والخد يشبه للقمر
والشعر ليل منثر واميل فوق المتون
رموشها مثل الجنود نظراتها تفتن وفود
دستورها اغرا اليهود هاموا ليدها يسلمون
اليا مشت فيها الدلع فيها الغنج فيها الولع
كن البدر منها طلع مدري سحر والا جنون
فيها الوصايف كلها من دقها لاجلها
يغار منها ظلها جمالها سحر العيون
ياويل منهو شافها قليل يلقى اوصافها
الزين كله لافها والناس منها يفغرون
العنق عنق لضبي والخصر ناحل مختبي
لوشافها ابليس يهبي ماتطالع اللي ينظرون
يا اهل الطرب غنوا لها بالشعر ثم ابدو لها
راع الردى مايطولها لو يكون اللي يكون
بنت الاصايل للاصيل لاهل الردايا ماتميل
ياسعد منهي له حليل ياللي لشعري تسمعون
انا اشهد انها مملكه من ماعجبها تهلكه
ياحظ قلبً تملكه ياكثر ناس يحسدون
بالزين محدنً قدها بالطيب توفي مدها
ابوالجمايل جدها لافعال ابوها يشهدون