اخيرا : الرحيل والمغادره
طولنا بذا التقرير وطال الانتظار .... اليوم نهاية الرحله
توقفنا عند جلستنا بالديوان الليله قبل الأخيره بكازا وكانت جلسه عامره بالسواليف عن السفر واه من ليل السفر وانا اشكي اوجاعي على الشيشه
ياشيشتي .. لو فيك ذنب وخطيه ### معاااااااااك احس اني عن الناس غايب
حمد السعيد
ورأس بعد رأس وحن نناظر بالطيور اللي متواجدين والقلب مشغول والفكر شارد للساع 1ونص تقريبا اتصلت علينا عصفوره التاكسي "اللي قابلناها اول يوم" تطمئن علي كنت تعبان المهم عزمناها على السهره معانا بالسيزار وافقت على ان تجيب معاها واحده على
ذوقها....سبقناهم وجونا هناك كانت اللي معاها جيده ولكنها مش اللي بالخاطر سهرنا وانبسطنا الين قفل السيزار ..... كان ودهم يجون معانا اعتذرنا منهم بلطف واكرمناهم ومشينا كلن بحال سبيله وصلنا البيت ب100 درهم بالليل كالعادة ....... وجلسنا سواليف
ونغم خااااااص الين الصبح وقلنا لازم نروح نودع عين دياااااب بالصباح الباكر فعلا اتجهنا لهناك
وكأني اراه حزينا وامواجه الهادئه لاتطيق البعاد هكذا اراه .... جلست اهوجس واتخيل لحظات القدوم كيف كانت جميله وكل ثوانيها ابتسامات وكيف اصبح الحال من المتناقضات الحياتية انظر لوجه زميلي فإذا بالحزن مرسوما على تقاسيمه .... سبحان الله اين الفرح المفرط اين الابتسامه ..... هذه المشاعر لاتكون بسبب الطيور لوحدهم
صحيح قد يكون لهم من ذلك الحزن نصيب ولكن السبب الرئيسي هو فراق تلك الديار
التي عشقناها والفنا شوارعها وتنفسنا هواء محيطها المنعش احيانا والمبكي احيانا اخرى!!
وعقارب الساعة توقف عن السير ### ولاكن في كازا سواتي حزيني
يعني على ما قيل من باب تصوير ### (لاحدٍ أبي قربه ولا أحدٍ يبيني)
ابن فطيس
بعد جلسة الوداع مع الاطلسي غادرنا المكان وكلنا امل ان تكون العوده قريبا ...رجعنا البيت ونمنا حتى الثانية ظهرا صحينا واكلنا شيء خفيف وبعدها شاور وكلمنا صاحب تاكسي وجاب لنا غداء وتغدينا وعلى الساعه اربعه جونا الحبايب وحاولنا مانطري السفر
عشان ننبسط اكثر فعلا كان يوم جميل وتونسنا الين الساعه 11 وبدت الأشجان بسؤال
انتوا متى رحلتكم بكرا ؟! ياليل!! ........والله رحلتنا الساعةالسادسة والنصف بتوقيت كازا...طيب اوكي حن بنوصلكم بسيارة والد ......
لا لا والله حن امورنا مرتبة وعندنا سواق جاهز مواعدينه على 3 ونص ..... وشد جذب الين اقنعناهم اخيرا قالوا نبي نودعكم من المطار
وبرضوا رفضنا وقلنا خلاص يكفي ..... ونشوفكم المرات الجايه .... قالوا لاو الله ماتروحون بكرا لين نشوفكم حن الساع 1 بكرا موجودين ياعالم ياناس والله يكفي .... صحيح ودنا نشوفكم ولكن نبي نسلى شوي ...المهم مشوا والدموع على الخدود
حسايف الحزن يغشى وجهك الطاهر ### كف العباير حزين الدمع مااطيقه
خالد الفيصل
راحوا وصار المكان موحش وبدينا نبحث عن انفسنا وين نروح وين نسهر هذي الليلة الختاميه ولازم اشيش توكلنا بدون ترتيب وعلى الديوان وشيشه للساع 1 تقريبا ونرجع البيت زميلي مرتب سهره بالشقة مع طير جاي من فأس وانا اخترت ان ابقى استعيد الذكريات لوحدي بتلك الليله فعلا وصل الطير وكان روعه بشكله واروع بأخلاقه واكتملت الروعه بوفائه وسؤاله الدايم عننا وحن بالسعودية
سهروا وانا حولهم وسواليف الين الفجر ناموا وانا حاولت انام بعض ساعات
اشتكي لوسادتي دنياي واسمعها تنوح ### كنها بعضي وبعضي وين هو من هو معه
اسير الشوق
وعلى الساعه العاشره صحيت ورتبت اغراضي بالشنط
ونزلت اجيب فطور لنا وكان جو كازا مختلف بالزاف وكأن الظلام يكسوها طبعا بعيوني انا والا هي منوره بناسها واناظر للسماء الا وذلك السحاب الذي يكتسي اللون القاتم الأسود وهو يسير بتشكيل رباني فريد " سبحان الخالق" وكأني به ملتحفا الحزن والدموع محتبسه
واي تصادم قد تنهمر دموعه
ياساحايب هواء كازا تعدي شمال ........ واستعيري دموعي سيلي كل وادي
وارعدي ياساحيب فوق هاك التلال ### صوري له حنيني عقب طول الغيابي
خالد الفيصل
كنت امشي ولااناظر للوجيه فكنت لااحبذ ان ارى ماقد يعكر صفو مااكتحلت برؤيته العينين بكازا الجمال وصلت للمطعم وخذت بعض السندوتشات ورجعت للشقة وافطرت وعلى ال12 ايقظت الزميل وطيره ووادعناها وتجهز الزميل واصبحنا نناظر الساعة وعلى الواحده
وصلونا الحبايب وكانت وجيههم والتي نخبرها كصفاء البدر بليلة التمام اصبحت تكسوها الغيوم والعيون الناعسة وكأنها اصابها الرمد
ليت ربي ماكتب لحظة وداع
ولافراق ولادموع ولاضياع
ليت كل الناس خل مع خليل
وكل ماقيل
النهاية بين الاحباب الرحيل
قلت احبه حيل
جلسنا بلحظات صمت وبعض الاسئلة والاجابات المقننه ثم توادعنا مع قرب الموعد
قرب الرحيل وخاطري منك ماطاب #### ياواحد "ن" عندك حياتي ه
وكانت لحظات صعبة ومؤلمه بعيد عن الكلمات المزيفة فكانت اكثر عمقا من أي تعبير كتابي
الجوال يدق تأخرتوا والرجل ماتقوى تدوس عتبة الباب مودعة
وليله كانت الفرقا
و قالت لي .. فـ أمــان الله
و ليله ذكرها يبقى
على جرحي .. و لا انساه
تحامل الزميل وغادر المكان بهدوء تام انا الى الآن لااعلم كيف غادر ومتى تثاقلت بي الخطوات وتذكرت العوده وهذه سنة الحياة
كررت التوديع واليد ياليد الى اسفل السلم
اللى رحل دمعه على الخد ينساق ### واللى بقى يبكي ويصفـق يدينـه
ومات النهار بليل معـاد ينطـاق ### وساد الحزن أرجاء كل المدينـه
عبد الناصر العالي
ركبنا التاكسي وغادرنا المكان وصلنا المطار واخذنا البوردنق بعد عناء الزحمه ختمنا ورحنا الصاله
كان الدرك يطلب ولا به شيء الا واحد خدمنا بالبوردنق عطيناه طلبوا كثير بصراحه وخصوصا قزازة
العطر اللي كانت مع زميلي اما انا فكل اللي معي من عطر حطيته بشنطه الحبيبة قبل السفر
بالصاله ارتفعت حرارتي وتعبت من اثار الحمام المغربي اخذت مضادات حيويه وتصبرت واقلعنا بعد تأخير ساعه
والقينا نظره من الطايره على اجواء كازا وتلقينا اخر الرسايل اللي الواحد يجلس يعيد يقرأ فيها لين يوصل
وهذا حال الغالبية ........ حاولنا ننام ولكن هيهات وصلنا مطار جده 4ونص فجرا ركبنا سيارتنا وعلى الديره
...... هكذا كانت ايامنا بالمغرب المعشوق ووصولنا كان قبل الشهر الكريم بكم يوم وبصراحة ايام العوده متعبة جدا
وكلها تحس ان التفكير مش مسعفك ...نراكم بتقارير قادمة اكثر جمالا.
العذر من الجميع وخصوصا من لم يروق له ماخطت يدي ... قريبا وبموضوع مستقل سأكتب لكم التكاليف التقريبية
ودروسي التي استفدتها من هذه السفره ......دمتم