بسم الله الرحمن الرحيم
الله يعينكم شوي علي مايحتاج انتوا تعرفوا النفسيات كيف بعد الرجعه بس الحمد لله كل يوم أحسن .
مأقدر أقول غير (الله يكون بعون كل المزعوطين) ههههههههه
نكمل بقية التقرير بعد ماستلمنا السيارة وشيكناها ديزل وأخذنا شرائح انترنت وصلنا لطريق مراكش أبو ياسين وودعنا بعد ها مسكنا طريق مراكش الدولي طريق سريع ماشاء الله ليت عندنا زييه حتى لو برسوم طريق آمن وبعد حوالي ساعتين وصلنا لمكان تشوف أنوار مراكش أمامك عندها القلب أحد شاله من مكانه وسبقنا لهناك منظر خيييييال بس المشكلة اول مادخلنا ضيعنا طريق النخيل دخلنا حارات شعبية قعدنا نلفلف فيها حوالي نصف ساعة لينا حصلنا الدرك أمام ولاية مراكش وسألنهم كان فيه ضابط صراحة قمة الاحترام ووجهنا ودلنا على الطريق يقمة الادب والأحترام مرحب بنا بولاية مراكش من باب الأدب بعد ما وجهنا قلت له يعطيك العافية أخوي ههههههه ويجيني ذاك البكس من على يمني من خوووي يقول تبي تنكبنا أنت ووجهك ترى عافيتهم غير عافيتنا هههه بس الحمد لله شكله ماسمع ومشينا للدرقاوي ونحصل الأخت رجا تكفيك ضحكتها ونشيك على حجزنا شكل الشقق كانت فل وودنا للنخيل 2 صراحه مكان موحش والغرف والصالة ضيقه سدت نفسي بدلنا وطلعنا خووي راح لقصر النخيل وانا رحت لمكتب الحجوزات عند رجاء سويت لهم فيلم وشرحت لي الوضع أنه المفروض فيه ناس مفروض يسوون تشك أوت اليوم بس مددوا يوم وعدتني بكره بتطلعهنا لشقه أفضل وسهرنا بقصر النخيل مكان حلو بس مشكلته أسعاره شوية كل طلب بمئة درهم يعني تخيل تطلب ماء يحسبوه عليك بمئة درهم المهم جلسنا لين الساعة واحده بعدها طلعنا لشقة البؤس وعلى طوول نومه لين الساعة 7 صباح نصح نتروش والبس لبس الرياضه وهاك ياجري لين الساعة 8 بعدها كلمتني رجا قالت شقتكم جاهزه جهز أغراضك دابا وزي الصاروخ مسنتر عندها ودونا بوابة 2 لشقة صراحه أحسن من الأولى وسيعه ونظيفة وسفتي بوكس موجود وخادمه أم عبد الله الله يرضى عليها أمانه وطبخ لايعلى عليه سجلت لنا الإغراض وطلعنا للمرجان نصف الأغراض ماندري ايش هي طلعنا بعربية مليانه حاسبنا بحوالي 1000 درهم بعدها توجهنا لقلييز ياهي حوسه ضيعنا فيه بالدوار متعودين على نظامنا ادعس ياشنب وشوي إلا ينط لنا ابو شنطه ويطلب أوراق السيارة ويهدر علينا نصف كلامه ما نعرفه وطلعت من جيبي مئة درهم وشوي ير فع صوته سكنهم بمساكنهم ويردد حشومه حشومه بصراحه خفت طلع يبيني أحطها مع الأوراق يقول الستر زين أشوا الحمد لله ويعطينا اوراق ونمشي لأسيما ولوازم السهرة ونرجع للشقه مع المغرب والنوم لاعب في لعب على ما انسدحت إلا وأم عبد الله تدق العشاء بس ماله نفس النوم غلاب واسحب نفسي غصب وصداع الله يعين كنت اسمع بأتاي ونخلي أم عبد الله تسوينا كاستين أتأي بصراحه تحسه يوصل للدماغ ويغلي فيه طير أم الصداع والنوم وبعدها نتروش ونلبس ونطلع لقصر النخيل وجلسنا لفيه لين قفل ورجعنا للشقه وكملنا سهرتنا بالشقة سهره واعره بنصف السهره دق الباب طلع شخص أماراتي يبي فزعتنا عشان ندخله طيور رفضوا يدخلونهم لأنه مدد يوم بس المفروض يسوي تشك أوت امس عشان موقفين جميع الخدمات عنه ههههههههه المهم نكمل سهرتنا لين الساعة 7 وبعدها احلى فطور من يد أم عبد الله بعدها نوووم لين الساعة 3
السموحه منكم تعبت من الكتابة بنكمل بكره أنشاء الله
لااحد يدقق كثير ترى أول مره أكتب تقرير بس عشان المنتدى وأعضائه للفائدة يستاهلون