رد: واخيـرا سافرنا المغـرب
نكمل معااكم حبايبنا من رباط الحسان المدينه الهادئه الراقيه
قطعت طبعا تذكره القطار الى الرباط المدينه درجه اولى مثل ماقلت لكم 115 درهم وهذي صوره التذكره
[IMG]C:\Users\win7\Desktop\20110603175.jpg[/IMG]
المهم الي يدف الشنط عطاني العربه وقال خلاص انا بطلع فوق حاسبني قلت له كم قال هات ميه ضحكت قلت ليه ميه انت بتبيع لي الشنطه الشنطه حقي هههههه وانت دفيتها بس قال كم تخلص قلت خذ هذي 10 درهم قال لا انا عندي عيله .. الخ قلت خلاص وانا اقول بخاطري دام تعدينا الجمارك على خير يستاهل خذ هذي عشرين مافي غيرها قال الله يرحم والديك وخذاها دفيت عربيتي ولقيت موظف وين الدرجه الاولى جاني واحد حمال وقال تعال وشال شنطتي المشكله الشنطه العصا الي فيها اكسروه مدري شلون الي يسحبها يعني مافيه غير انك تشيلها المهم الين وصلنا القطار الي مكتوب عليه رقم واحد ودخلت الي مليان وكان فيه فرنسي ومعه الطير حقه وجنبه اثنين شباب قلت هنا خلاص ارفع الشنطه فوق وجلست معهم وعطيته الظاهر خمسه درهم عمله معدنيه اظن او عشره مو متاكد مانتبهت للعمله لاني لما صرفت الدولارات من فوق لاني معي يورو ودولار اليورو مخليه والدولار صرفته قلت للي يصرف عطينا صرف عشرات وعمله علشان الي ينشبون لنا نصرفهم المهم جلست وسئلتهم هذا رايح الرباط قالو ايه انتبهت انهم من الربع ههههه عاد هنا دخلت الحساسيه هم كشو مني وانا كشيت منهم ههههههه انا اقول عسى ماينشبون لي وهم الظاهر جاهم نفس الشعور من ناحيتي والله يانا ضحكت طول الطريق ماحد يكلم الثاني هم يبون مراكش والظاهر اول مره يركبون القطار وكل شوي يتصلون على الطيور اظن اخوياهم معطينهم ارقام واحد يتصل والثاني يقول لخويه وانا مطنش يعنني مااسمع شوف من الحين ترا بالحظ كل واحد وحظه اترك النذاله هههههههههه المهم القطار كان مش ولابد ماكنه درجه اولى وفاتحين الشباك ولا فيه تكييف قلت انا امحق ديره هذا وهو درجه اولى كان ودي اصور لكن المشكله الوضع كان حساس هم يبون يصورون واحد جنبي واحد مقابلني اذا قام يبي يصور اناظر فيه وانا فعلا اقول لايكون يبي يصورني ذا يرجع ينزل الجوال يعني لاانا صورت ولاهم
شوي جانا الموظف الي يشيك التذاكر شاف تذكرتي قام وقالي تبدل القطار قلت وين قال مش المحطه الجايه لا الي بعدها مو متاكد انا الاولى كازا او عين السباع المهم وحده منهم الي كانت الثانيه ويوم وصلنا نزلت بسرعه واسئل وين قطار الرباط قالو انزل تحت وانزل والقى القطار ادور الي مكتوب عليه واحد وهب اطلع فيه ولاادري وش الطبخه اثاريه رقم الكبينه والكرسي مكتوب وانا مدري الا واحد كان قدامي قلت له هذا الرباط قال ايه شاف تذكرتي قال هنا تعال وطلع معي بنفس الكبينه شاب شعبي واجتماعي واخذتها سوالف معه طلع من اهل كازا وممثل في افلام مغربيه ومسلسلات تاريخيه وجوه حلو مثل في مسلسل ملوك الطوائف شوي وجانا واحد مغربي بس من النوع الكاتم طنشناه ونسولف شوي جانا واحد خليجي هو بس الله يهديه ثقيل طينه ومسوي فيها فهلوي قام دخل في الولد عرض قاله انت من وين قاله من كازا قال اووه هذا اخس مدينه حتى اهله شيون انا مااحبه
طالعت فيه وحقدت:Abu Ahmed (618): ياخي خلك محترم الرجال يقولك انا منها شلون ترد عليه كذا شوي يقول انا لي 21 سنه اجي المغرب هذي بلاد الحب والعشق وطنجه مدري ايش قام الشاب الكازاوي يقوله لو تروح مدري وين وافران ووزازرت ماعرف نطقها المهم قام يذكر له كل منطقه وش مميزاتها يعني المغربي كان متعاون واجتماعي
خوينا الدفش قام يقوله الحين انت تقولي روح وروح انت وش تشتغل :Abu Ahmed (104):
رد عليه وقاله انا ممثل خريج معهد فنون وشي زي كذا قاله لااه حتى انا بطل سينمائي لحوووول هههه وش هالقلق شوي ويقول ترا لو انت نصاب انا اكبر نصاب بديرتنا ااحد يلعب علي :Abu Ahmed (120):
انا عاد ماسولفت معه والحقيقه الشاب الكازاوي كان مرن وصدره وسيع انا ماسولفت معه شوي وسئلني من وين الاخ قلت له من اليمن :Abu Ahmed (162):
قال لالا صحيح من وين قلت ايه من اليمن ليه فيها شي :Abu Ahmed (618): قال لا والنعم والله وماعاد سولفنا
شوي يقول لذا عندك صور قام يروينا صور له وقت التصوير في مسلسل تاريخي نسيت اسمه شوي خوينا يقوله اترك منا صورك وين صور الممثلات الي معك هههههه شر البليه مايضحك قام رواه كم صوره خوينا تغير موده وقال للمغربي كم رقمك انا بزورك بكازا:Abu Ahmed (151):
واضحه هههههههه
المهم عطاه رقمه ووصل القطار اكدال ونزل انا كملت المدينه ووصل قبل يوقف قالي المغربي تجهز لانه مايطول وقالي خذ رقمي اي خدمه ليك لو جيت كازا وخذيت رقمه عندي والحقيقه انه انمسح بس كان رقم مميز علشان كذا انحفظ
المهم نزلت المحطه ومعي لاب توب شايله ومعي شنطه صغيره بيدي ومعي هالشنطه وش كبرها واليد الي تسحبها فيه مكسور ومليانه ثقيله توهقت ويجيني شايب ويقول اشيلها لك قلت شيله والله ويحملها على كتفه وانا صراحه مستحي شباب ومحمل هالشايب الكبير شنطه وش كبرها على كتفه
طلعنا فوق ووقفنا بالشارع نبي تكاسي انا رحمته وحسيته يستاهل كبيره مره بالسن عطيته خمسين من طيب خاطر ولا هو ماتكلم فرح وجلس معي يوقف لي تكاسي كل ماوقف واحد قلت له فندق الميركيور زنقه تونس يقولو خمسين درهم قلت لا خدم العداد مسوي فهلوي:Abu Ahmed (764):
اخر شي جاني واحد قال باربعين قلت يالله تعبان اصلا يوم مشينا قال انت كويتي قلت لا قال ليبي قلت ايه ضحك وقال زنقه زنقه هههههه الظاهر الكلمه ذي منتشره عند الكل ويعلقون عليها كل الدول
قلت له قبل توصل نريد كرت موبايل وش الزين قال اينوي قلت يالله هاتها بكم قال بعشرين وفيها كريدي عشرين قلت حلو جابها ومشيت الفندق
والسموحه بالربع على الثرثره الواجده الظاهر تعمقت بالتفاصيل بزياده عطوني فرصه الى الليل انزل صور الفندق