المشاركة الأصلية كتبت بواسطة mmmsultan
الموضوع بسيط ياتشافي..اعمل فلتره وقارن بين التقارير اللي تتكلم عن نفس الموضوع.وراح افصل شوي في مكونات التقارير وهي:
السكن والتنقلات: هذي محلوله بوجود المعلنين هنا.
التمشيات: وهذي نفس الكلام من الشيخ قوقل يعطيك الاماكن مع الصور..
المقاهي والمطاعم والسهرات: وهذي ايضا ماتحتاج تدخل في نوايا احد وماراح احد يخترع مكان غير موجود يبقى عليك فقط تشوف اللي يجمع عليه اكثر من شخص ويمدحونه.
اما القصص الغراميه والافلام المغربيه: فهذي تعامل معها (استمتع بالروايه ولاتاخذ بها)
وانا شايف الموضوع مايحتاج تقييد في طرح التجارب وخل كل واحد يطرح بهاراته الخاصه..
فاصل قبل الختام /اذكر شخص كان يستفسر عن امور تدل على انه سنه اولى مغرب، بعد فتره من تواجده بالمنتدى وقراءة التقارير، اصبح يردد انه يجي المغرب من الثمانينات (شكله ذيك الايام يحبي هههه) فهذي اعتمد معها مبدأ التسليك .