السلام عليكم
اولاً يعطيكم العافية وثانياً بصراحة السعر مبالغ فية وأنا أستغرب من الأخوان إللي يقولون عرض مغري وأنا اسأل هل 3200 درهم في اليوم لشقة يعتبر سعر مغري؟؟!! إلا إذا كانو رجال أعمال أو من أصحاب الملايين فأنا أعتقد إن نسبة 80% من إللي يدخلون المنتديات ويبحثون عن عروض السكن هم من أصحاب الدخل المحدود وأقصد بالدخل المحدود أي إللي إعتمادة على راتبة الشهري بغض النظر عن راتبة هل هو 5 الآف أو عشرين ألف وهذي الفئة الكبيرة من الناس مفروض تكون العروض تستهدفهم علشان يكسبونهم لأني أعتقد لو كنت من أصحاب الملايين و3200 درهم لليوم ماتعني لي شيء صدقوني ماراح أفكر أدخل أي منتدى بقص التذكرة درجة أولى وأول ما أوصل على أفخم مكان وفلوسي تخدمني وميزانيتي مفتوحة ليش أتعب نفسي وأبحث في قوقل وأزاحم الناس في المنتديات إللي تبي تستانس على قد ميزانيتها . أنا أشوف إن حقها 2000 درهم إللى ثلاث غرف وفي الأخير هذا رأيي الشخصي وأتمنى تتقبلونه مني بكل رحابة صدر وصدقوني ماكتبت هذا الكلام إلا من حرصي على إن الأسعار ماتزيد علينا يالسعوديين بسبب المجاملات أو الخجل من المكاسر وعلى فكرة أنا من رواد المغرب (كازا - الرباط - مراكش - أكادير) من عام 1999 إلى يومنا هذا ووالله ماعمري إستأجرت شقة أو إقامة غرفتين أو ثلاث غرف نوم بأكثر من 1500 درهم وماتقل فخامتها عن هذي الشقق وبعضها يمكن أحلى من ناحية الصالة كبيرة وتآخذ راحتك فيها ومعاها شغالة 24 ساعة ومرة جربنا وسكنا في فيلا في الرباط في حي الرياض وهذيك والله قصر مو فيلا مكونة من 5 غرف نوم وثلاث حمامات (الله يكرمكم) ومطبخ كبير مع مستودع ومسبح وديسكوا مع غرف تبديل الملابس وثلاث صالات وحدة نظام ملكي مغربي ووحدة نظام غربي ووحدة نظام سعودي جلسة سدو على الأرض ومشب وشغالتين وسواق بالسيارة خاص لنا وسواق بسيارة ثانية خاص لل**** وحارس للفلة أخذناها بأربعة الآف درهم