المشاركة الأصلية كتبت بواسطة ناصر علي
السلام عليكم ورحمة الله وبركاته في شهر 4 عام 2014 كنا احنا ثلاثة وطالعين من مراكش ورحنا محطة القطار وأثناء جلستنا في المحطة زميلي شاف طير وعجبه وراح يكلمه وأثناء الكلام مابينهم جو اثنين مدنيين وكلموا زميلي وقالوا له احنا من الشرطة وعطنا جوازك وعطاهم الجواز فقالوا له ليش تكلم البنت وهذا ممنوع.... الخ
كنت حينها بعيد عنه وما اسمع الكلام اللي يدور مابينهم لكن شفت زميلي كأنه متورط ويريد حد يساعده فرحت عندهم وقلت له أحمد وش اللي حاصل فخبرني بالسالفة فقلت للشرطي أنت مدني كيف نعرف أنك شرطي عطنا بطاقتك العسكرية عشان نتأكد أنك شرطي
فقال انا اكلم زميلك انت ما لك دخل قلت هاذا زميلي كيف مالي دخل عطنا البطاقة والا بنروح نشتكي عليك في أمن المطار نظر لي نظرة حقد وانا مطنشه وأمام إصرار طلع بطاقته العسكرية واتضح انه شرطي
قلت له تو عرفنا انك شرطي لكن ليش موقف زميلي قال نحن نكافح ال قلت طيب اش دخل زميلي في الموضوع قال هو وقف بنت وكلمها قلت طيب هذا ممنوع قال نعم قلت انا خريج قانون وهذا الفعل ما يشكل جريمة وانا عارف القانون المغربي تماما قال لي انت روح من هنا انت مالك دخل قلت لي دخل وانا ضابط في الشرطة واعرف هاذي الأساليب انت الان تستغل وظيفتك لابتزاز الآخرين وانا لازم اكلم ضابطك وأبلغه باللي حصل وأقدم شكوى لوزير الداخلية عن طريق الملحق العسكري بالسفارة وخلي بالك اسمك ورتبتك ورقمك العسكري عندي وهذا الموضوع ما نسكت عنه بعد شوي جاه زميله وقال تعال انت مطلوب بسرعة وأعطى زميلي جوازه وتركونا و راحوا عند باب المحطة ولكني قمت امشي خلف الشرطي من بعيد وعندما لاحظني أمشي وراه خاف وجاني وكان خايف ومرتبك وشفايفه ترتجف وقال ليش تتبعني قلت له انا ما تبعتك انا أتسوق من المحطة فقالي ياخويا سامحني ونريد نصفي هاد الموضوع وانا آسف وماكنعاودش عليها..... الخ
قالي صافي قلت له صافي لكن متعاودش عليها.
زميلي من خلصته من هاذي المشكلة جاء يحضني وفرحان. قال الحمد لله خلصتني من مشكلة قلت له هاذيلا نصابين يريدوا فلوس ويستغلوا وظيفتهم ولا تشيل همة منهم ولا ترضخ لمطالبهم ابدا ومن راحوا واصل زميلي كلامه مع الطير ورقمه والأمور طيبة وسلامتكم