مزاعيط المغرب - السفر الى المغرب - عرض مشاركة واحدة - أشبهه باللي عسيف من الخيل .. يلعب وأنا حبل الرسن في يديا.. مخيطــوو بين طنجه واغادير .

مخيطووو

المشاركات: 1,924

تاريخ التسجيل: Jan 2011

الدولة: في عين خلي

2015-05-01, 02:38 PM

اخواني الاعضاء

اعتذر عن الغياب المفاجئ لكن ان شاء الله تزين الامور .

الحلقة الأولى
=-=-=-=-=-=-=-=
عودت لك ياهوى بالي
لعيونك الـــكل خليته
لقياك لا من تهيا لي
به انتعشت روحي الميته

اسمحوا لي ياجماعة بتكلم باللهجة العامية واذا صعب عليكم فهم أي شي اتصلو على زيرو تسعميه خمستلاف

في ليله كنها الليلة مالي من الشيطان طاري .. الا احد الاصدقاء الاوفياء (لقبه شيفاز) اللي تمنيت اني ما عرفته ههههه يطق الباب يالله حيه اقلط وللاسف قلط ... وش عندك ياصديقي قال هذي تذكرتك ومسافرين الاسبوع مو الجاي اللي بعده !! سلامات مرتبط مشغول عندي بيت .. قال ماهو شغلي بهاللحظه دخل ابليس وجلس عند الوجار ويناظر لي ويضحك .. استحيت .. منهم قلت له تم ..

بعد وضع اللمسات الاخيرة وتجهيزات للسفر اللي هي تروح للسوق وتشتري ولو العالم كله يتميلح قدامك ماتعطيهم وجه لماذا ؟؟؟ لانك رايح لدنيا غير الدنيا .. لبلد يعجز اللسان عن وصفه .. بلد حبه في اعماق القلب ..
جاني اتصال من شخصية معروفه ولها مكانه في المجتمع .. بطلق عليه لقب (الإكسلنص)

بعد السلام وغيرها مالك روحه قريب قلت ماشي بعد يومين .. قال تراي بجيكم وين قلت بطنجة العز .. قال جايكم انتظر اتصالي ..

طلعنا المطار انا وشيفاز بيه ابن 21 باشا .. ههههه مدفونه على الخطوط السعودية الرياض ـ كازا .

يسود الطائرة جو من الملل والهدوء وفجأة اناظر مع الشباك واشوف هالطبيعه واشوف هالمدرج اللي يفتح النفس واشوف السعادة والهنا .. سلام يامطار محمد الخامس .. دخلنا واللي علينا بالخير .. بعد تشييك الجوازات تنزل حاطين محل يقال له سوق حره .. اخذنا منه مقدار الحاجة .. ومن الضرورات البوردنق .. يعني لاحد يرميه .. علشان تاخذ اللي تبي .. عموماً اعلى من سعر السوق لكن بجوده افضل .

بعد ما استلمنا الشنط .. على طول على وفاء كاش وتحويل اللي معنا من فلوس ونطلع .. الا الاخ عبدالرزاق ... اللي يشتغل مع الاخت غزلان .. صاحبة شركة تأجير سيارات .. من افضل واصدق من تعاملت معهم بالمغرب .. مجهز السيارة .. بولو 2014 ..
ونطلع من المطار وعلى محطة البنزين اللي على اليمين وفل يامعلم وانزل واشتر اللي ودك من التموينات .. وشد الخط (يخسي النوم) لطنجة .

وصلنا طنجة اعتقد كانت الساعة 10 بالليل وتلفونات وكذا ونقابل (شمس طنجة) اول سؤال .. فينك ؟
رديت :
مانويتك بالجفا بس الضروره.... توجب النسيان في بعض الظروف
قال ..
توحشتك ..

رديت :
ياعيون الكون غضي بالنظر
اتركينا اثنين عين تحكي لعين
اتركينا الشوق ماخلى حذر
بلاخوف بنلتقي.. وبلا حيرة بنلتقي
بالتقي بعيونها وعيونها احلى وطن.. وكل الامان

ركب معنا واخذنا بعض الاغراض وعلى طول نطلع من طنجة لمكان اسمه (وادي ليان) مكان قمه في الروعه جميل حيث الخضرة والماء والوجه الحسن .. اول ما جلسناوترتبت امورنا واسمع
مع اشارة اني انا المقصود فيها .

" ameborder="0" allowfullscreen>

ياليت العمر يتوقف على حالة هناا جنبك
نعيش فيهاا ولانخفف من الشوق الى مايوصف
ونتهادى ورود الحب ونروي فيهاا نشوة حب
واقلك انت مي

طبعاً هنا تفقد كل إحساس يتعلق بانك على كوكب الارض .. تحس انك بين السماء والسحاب .. والجو كله ضباب .. ما عاد اشوف التراب .. من زوووود السعادة .

.. استقرينا وبدينا الليل من اوله .. وعلى انغام (راشد الماجد ــ وليد الشامي ــ محمد السالم ــ حاتم العراقي ــ رابح صقر) انبسطنا .. وختمناها بــ (محمد عبده ــ طلال مداح ــ عبادي) ولما الوضع فلت ( فهد بن سعيد ــ وحمد الطيار) ..

هذي تفاصيل اول ليله يالغالين ..

السكن فيلا خاصه ثلاث غرف على البحر في وادي ليان تقريباً بــ 2000 درهم باليوم .
السيارة 200 درهم .
طير الحمامي .. هيض غرامي .. هايم هيامي والشوق غلاب .. لايتعدى 1200 .

الاماكن اللي انصحكم فيها .. اذا ودك تاخذ اغراض البيت من سوبرماركت عند مطعم النجمة قريبة منه اسعارها افضل من اسعار المرجان وتلاقي فيها كل شي .. وحول السوبر ماركت هناك فيه مكان للعصير .. ايضاً باسعار ممتازه بس لازم تاخذ فاتوره مهم جداً جداً جداً لانه لو احد تعرضك الفاتورة تطلعك من أي مشكل .. من المطاعم والكافيهات في طنجة :
ــ مطعم دار الناجي .
ــ بيتزا هت .. مره روعه ..
ــ كافي بفندق سيزار الدور السابع .
ــ كافي ليالي الانس على الكورنيش .
ــ مطعم سمك عند برج خليج طنجه تحت روووعه .
ــ كافي بجنبه بنفس عمارة برج خليج طنجه .
ــ كافي البانورما الصباح بسسس .
ــ ماك بعد المغرب .. ههههه يصير احسن مطعم .
ــ بعد ماك يمكن بــ 100 متر فيه كافي داخل الحارة روووعه مادري وش اسمه بس شي رايق .. وصاااد .

الحلقة الجايه ..

وصول صاحبنا وخويه .. تحول مفاجئ في مسار الرحلة .. اقوى موقف محرج في حياتي .. ملاحظاتي على المارينا واغادير .. من عين راصد قدييييم .