كنت متابعه موقعكم قبل فتره وهذي اول مشاركه ليا لاني مريت من هاد تجربه مع راجلي
حبيت نقول للي قال غيقتلوه... لا ماتخافش غير هوما نصابه. هي فعلا شركة سياحه وتتحجز لمنخرطيها في الفنادق ولكن ملي سولت بنات تيعرفوهم قالولي تيحجزولك ويسفروك اول مره ومن بعد يبداو يتهربو بحجة الحجوزات كامله ولا مستحيل هاد دوله بسبب كذا وكذا
المهم نحكيلكم اللي طرالي انا وراجلي
كنا فاكادير يلاه خرجنا من الاوطيل تنتمشاو تلقينا البنت قدام ساحة الامل قالت لينا السؤال المعتاد: شناهي المدينة المغربية الاولى سياحيا؟( كون كنت عارفه اش غيطرا من بعد كون قلت لها اسم شي قريه ) جاوبت قلت: مراكش. قالت: مبروووووك فزتو معانا بثلاثه ايام في منتجع اختارو اي مدينه بالمغرب ولكن لازم تمشيو معانا للفندق باش تستلمو هديتكم . انا وزوجي على نياتنا رحنا معاها كان فندق قريب شوي نسيت اسمه قدامو نافوره وفنفس شارع اللي فيه كنزي اوروبا. دخلنا لصاله كبيره فيها طاولات وكراسي وفيها ناس غيرنا مع مندوبين. جلسنا على طاوله وجانا واحد الشاب وبدا يسال على جنسية راجلي وفين كنسكنو وشحال جالسين فاكادير وشحال خسرنا فلوس وشحال تنصرفو فسفرياتنا ومن هاد الاسئله. شوي قالنا: انتوما فزتو معانا وغتسلمو جائزتكم ولكن خاصكم تنخرطو معانا فشركتنا وهي شركه سياحيه عندها اتفاقيات مع فنادق كثيره فالعالم ومبقاش باغي يسكت... الزبده كان الانخراط فوق عشرة الاف درهم. راجلي معرفت كيف وافق. وهم يبغيو يحرجوك قدام باقي الناس لانه وقف وقال فلان فلاني وافق وصار من المنخرطين وناس تبدا تصفق ويبتسمو ويهنؤوك. انا ماعجبني الوضع وحسيت انه هالشي مستحيل يكون حقيقي فيه نصب وخداع فقلت له: واخا خلينا نروحو الفندق نجيبو فلوس ونرجعو قالي : لا انتم وقعو هالاوراق وبيروح معكم احد من مندوبينا اعطوه الفلوس قلت له : خلينا بس نفكر ممكن الفلوس ماتكفينا اذا اعطيتكم هو اتغير وصار يقول وانتم ضيعتو وقتي وانتي تضحكين علي قلت له: صافي اسفه وماطرا باس. قالي : انا تعاملت مع الوزير الفلاني والوزير العلاني وماتعاملو معي مثلك وانتي كذا وكذا والله صرنا نمشي وهو ورانا يبربر ومافتكينا منه غير من بعد ماطلعنا من الفندق .
نصيحه لاحد يكلمهم او يرد على اسئلتهم
واسفه عالاطاله