السلام عليكم
اشكر لك نصايحك بحكم خبرتك لكن والله يشهد اني اختلف معك في بعض الحقائق ومنها سعر الصرف للعملة والأخ محمد عاطي.

والله اني لفيت السعودية الرياض جدة الخبر ابها خميس مشيط واتصلت بأرقام فروع صرافة بمناطق المملكة وللاسف كلهم حرامية ونصابين

السعر بمواقع الانترنت المباشرة في شهر مارس كانت الريال السعودي=2.66

اعلى سعر بالسعودية كان الريال = 2.42

ولقيته بالمغرب في محلات الصرافة 2.62
والسعر يتدرج الى 2.54 بالمطار كأقل سعر

وحبايبنا البنك الاهلي في مطار جدة حرامية قال بنعطيك الريال ب2.27
يعني قمة السرقة والنصب.

كذلك سافرت 10مايو يعني قبل 10 ايام ورجعت قبل 3ايام وكانت العملة الاسبوع الماضي سيئة ونازلة وكانت بالمواقع بالانترنت الريال=2.55

وغيرت العملة في المغرب ب2.52

لذلك انصحكم لله وبالله يكون تغيير العملة في محلات الصرافة في الصالة الخارجية للمطار وليست الصالة الاولى لأان السعر عندهم سيئ


التغيير يكون عند وفاء كاش والمحلات الي بجنبه.

بخصوص محمد عاطي أشهدكم بالله انه نعم الرجل ونعم التعامل والثقة وتعاملت معه مرتين في اقل من شهرين وكان كل شي ماشي في السليم.
والله العظيم اني كنت ازعجه حتى في الويكند وهو طالع يتمشى مع عياله ومع ذلك كان يتقبل ولايتذمر.

كلمته قبل اجي مراكش مع العلم اني حولت له عربون الايجار وقال ان مراكش حارة وصلت الحرارة42 وأبديت له تذمري وقال لو ماتبغى تجي عادي عربونك موجود وفي الحفظ والصون واذا تبغى تسترجعه من حقك.

باختصار محمد عاطي اذا تعاملت معه بثقة وتعامل محترم راح يبادلك نفس التعامل.

والله يشهد على كل ماقلت ولا أرجي من كلامي هذا الا النصح لكم والدعاء لي